विश्व कॊंकणि केंद्राचॆ क्षमता क्यांप
विश्व कॊंकणि विद्यार्थि वेतन निधिताकुन विद्यार्थिवेतन घॆत्तिल्या इंजिनियरिंग् आनि मॆडिकल् अध्ययन करचा विद्यार्थिंक  क्षमता क्यांप ४ ब्याच् (उडिouठि) १२-०१-२०१३ थाव्न १४-०१-२०१३ पर्यांत ३ दिवस चल्लॆ. विश्व कॊंकणि केंद्रांतु ह्या शिबिराचॆ समारोप समारंभ १४-०१-२०१२सांज्वाळा विश्व कॊंकणि केंद्राचॆ स्थापनाध्यP कॊंकणि सरदार बस्ति वामन शॆणै हांगॆलॆ अध्यक्षतेरि चल्लॆ. मुखेल सॊय्रॆ दावन ह्याटसन आग्रो प्रॊडक्ड्स लिमिटड चॆयरम्यान आनि म्यानेजिंग डैरॆक्टर श्री आर जि. चंद्रमोहन,  गौरवान्वित सॊय्रॆ भारत बीडि वर्क्स प्रै.लिमिटडाचॆ ऎक्सिक्युटिव डैरॆक्टर श्री अनंत जि. पै आय्यिलॆ. क्षमता शिबिराचॆ विद्यार्थिंक तरबेतिदार जाल्लॆलॆ श्री सुजन रै आनि श्री महेश नायक तश्शिचि क्षमता शिबिराचॆ संघटक श्री ऎम्. ऎन्. पै,  विश्व कॊंकणि केंद्र विद्यार्थि वेतन निधिचॆ कार्यदर्शि श्री प्रदीप जि. पै, विश्व कॊंकणि केंद्राचॆ कार्यदर्शि श्री वॆंकटेश ऎन्. बाळिगा आनि सहायक निर्देशक मानॆस्त गुरुदत्त बंट्वाळकार समारंभांत उपस्थित आश्यिलॆ.
नवी मंग्ळूर निर्मातृ दि. उळ्ळाल श्रीनिवास मल्य अध्ययन केंद्र स्थापनॆक मनवि
मंगळूरु विश्व विद्यालयांत नवी मंग्ळूर निर्मपक दि. उळ्ळाल श्रीनिवास मल्या अध्ययन केंद्र स्थापन जावका म्हॊणू आनि दि. श्रीनिवास मल्यक मरणोत्तर गौरव डाक्टरेट प्रशस्ति दीवका म्हॊणु विश्व विद्यालयाचॆ उपकुलपति प्रॊ. टि.सि. शिवशंकर हांका विश्व कॊंकणि केंद्राचॆ स्थापनाध्यक्ष बस्ति वामन शॆणैलॆ मुखेलपणारि मानॆस्त ऎं. तेजोमय आ कॆनरा विद्या संस्थॆचॆ मानॆस्त ऎं. अण्णप्प पै, मानॆस्त गणेश कामत आनि नलंदा विद्या संस्थॆचॆ डा. कॆ. मोहन पै हांगॆलॆ शिष्ट मंडळ भेटि दीवुनु मनवि दिल्लॆं म्होणु विश्व कॊंकणि केंद्राचॆ प्रकटण कळयळा.
अस्सलॆ आंव्गलॆ कॆदनांयि घाल्नुघॆवुनाक्काति!!!
आम्मि जीवनांतु एक्केक विषयाक एक्केक महत्व दित्ताति. बांग्र दागीनाक दिलेलॆ मान रुप्पेचाक दीनाति, आफीस् बासाक दिलेलॆ मान थंतूलॆ फीवन्नाक दित्तातिवे? कॊरचॆ काम्माक सैत एक्केक नमून्या शृद्धा दीव्नु करताति. पूजा करताना आस्सुचॆ शृद्धा पेपर् वात्ताना आस्ता म्हणचाक जायना. तश्शिचि आमगेलॆ नॆस्सणिंतु सैत आम्मि मस्त विचारु करताति. देवा पूजॆ वेळ्यारि घालचॆ आनवाळॆ, व्हरडीक मूंजिक घाल्नु घॆव्नु वच्चनांति.  तश्शीचि आम्मि घाल्नु घॆव्चॆ आंव्गलॆ वय्रि आम्मि नजर घाल्नु घॆव्का. आत्ताचॆ “रॆडिमेड् नॆस्सणि जमाना. टैलरालाग्गि व्होर्नु शिवोका, अळ्तॆ दिव्का म्हणचॆ तश्शि ना. मनाक पसंद आय्यिलॆ तयारि हाणु घाल्नु घॆव्येत. टी-शर्ट्, जिन् प्यांट् विंग विंगड आकर्षक डिसैनांतु मॆळता. कॆलव डिसैना वयरि श्री गणेश, श्रीराम, श्रीकृष्ण, श्रीलक्ष्मी जांवॊ ओं चिह्नॆ आस्ता. जाल्यारि अस्सलॆ आंव्गलॆ आम्मि घाल्नु घॆव्चॆ दाकूनु आव्गंलॆ वयरि आस्सुचॆ दैवत्व राक्कूनु घॆवचाक जायना. अस्सलॆ आव्गंलॆ घाल्नु घेव्नु निद्दॆताति, बैसताति, धांवताति,  पडताति, लडायि मार्नु घॆत्ताति ताज्जेन देवालॆ वयरि कूस्सड, ऋणात्मक अंश पडचाक पुरॊ. मागिरि उंबळ्ताना फात्रारि घाल्नु बडेताति. ब्रॆश्शान  नातलीरि वाशिंग् मिषन्नाक घाल्नु घूंव्डॆताति.   ड्रैयराक घाल्नु कडेरि वात्तांतु सुकचाक लांबॊनु घालताति. हाज्जेन देवालॆ कृपा जात्वॆ? हे आम्मि देवाक अपमान कॆलील्वरि जायनांवॆ? देवालॆ वयरि श्रद्धा, धर्म वयरि नंबिगा आस्सुका, जाल्यारि अश्शि दाखोचांतु आस्सुचाक नज्ज, आमगेलॆ चाल चम्कणिंतु आस्सुका.  ताज्ज ऒट्टू भूत, प्रेता चित्तर, मंत्रवादि चित्तर, हाड्डा चित्तर इत्यादि बीभत्स चित्र प्रिंट् जालेलॆ आंव्गलॆ घाल्नु घॆव्चॆ दाकूनु आमगेलॆ मन अस्थिर, अस्वस्थ जावचाक पुरॊ, किर्‍किरि, कोपु, द्वेषु, जगडॆ यवचाक पुरॊ. चांग म्हळयारि जालेलॆ तित्लॆ सात्विक आंव्गलॆ घाल्नु घॆव्चॆ मानसिक आनि दैहिक आरोग्य राक्वणाक कारण जात्ता.
संग्रह : गणेश कामत्, तॊट्टं