अड्यारु गोपाल परिवाराचॆ वार्षिक समावेशु

अड्यारु गोपाल परिवार २००७ इस्वि धोर्नु प्रति वर्स वार्षिक समावेश कोर्नु घेव्नु आय्लां. २०१२ वर्साचॆ समावेश बॆंगळूराचॆ श्री काशि मठांतु ता. १४-१०-२०१२ दिवसु कुशि, गम्मत्तारि चल्लॆ. त्या दिवसु  श्री काशि मठाचॆ दॊन्नीचॆ माळ्येरि श्री सुधींद्र तीर्थ सदनांतु  सकाणि ९ घंट्याक सूरु जालेलॆ समावेश सांज्वाळा ५ घंट्याक समापन जाल्लॆ. हे परिवाराचॆ समावेश माकशि खंचे महत्व उद्देश नातलीरि आजि परिवाराचॆ लोक राज्याद्यंत आनि राज्या बायरि, विदेशांतु सैत वच्चुनु राबलींति. तान्नि पूरा वर्षाक एक्पंता मेळ्नु सुख-दुःख सांगूनु घॆव्चॆ. ऒळक कोर्नु घॆव्चॆ. हांगा मॆळतालॆ पूरा परस्परांक लॆक्तालॆ जालेलॆ निमित्त दाकळ्यान म्हाल्गड्यांक मॆळचॆ, तांगॆलॆ ऒळक कोर्नु, संबंध कोळ्नु घॆवचाक सुलभ जात्ता.
अड्यारु गोपाल कृष्ण शॆणै हांगॆलॆ १०६चॆ जनन वार्षिकोत्सवु ता. २१-०९-२०१२ जाल्यारि ता. ८-८-२०१२क तांगॆलॆ “डॆत् अनिवर्सरि जाव्नाश्शिलॆ. हे अड्यारु कुटुंबांतुलॆ म्हाल्गडॆ जालेलॆ  संपिगॆ माधव किणि, मिजार माधव शॆणै, मिजार अण्णप्प कामत्, मंचकल् लक्ष्मण कुड्वा, हीरंकि रामचंद्र किणि आनि अड्यारु मंजुनाथ श्यानुभोग आदि लोकानि विशेष साधन कोर्नु प्रसिद्ध जाल्लिंति.
ता. १४-१०-२०१२ दिवसु सक्काणि ९ गंट्याक आय्यिलॆ कुटुंब सदस्यालॆ तान्निक जाल्ल उपरांत समावेश सुरुवात जाल्लॆ. सुरवेक स्वागत गीता. दिवलि पॆट्टोनु समावेशाचॆ उद्घाटन, येव्कार भाषण, संदेश वाचन, लघु संगीत, कुटुंबाचॆ संघटन, परिचय, अभिवृद्धि विषयांतु परिवारा सदस्य दाकूनु भाषण, गण्यांक सन्मानु, भजन, भक्ति गीत, पद गायन, नाट्कुळि, नृत्य प्रदर्शन इत्यादि कार्यक्रम चल्लॆ. उपरांत धोंपारा जवण. विंगविंगड स्फर्धा, क्रीडा, गान, विविध मनरंजना कार्यक्रम, लघु संगीत, सदस्य दाकूनु भाषण, परत भजन, नृत्य, गान, नाट्कळि इत्यादि समाज बांदवा दाकूनु प्रतिभा प्रदर्शन. चल्लॆ. सांज्वाळा साडि चारिक समारोप कार्यक्रम चल्लॆ.
ऒट्टारॆ हे संदर्भारि समाजाचॆ दाकलॆ, म्गालगडॆ, दारलॊ, बायल सर्व मेळ्नु हे अड्यारु गोपाल परिवाराचॆ “मधुर मिलनशि जालेलॆ पट्टिक न्हंहि. आनि हे समावेश आयोजन कॊरचाक प्रति वर्ष अविरत प्रयत्न कॊरचॆ डा॥ अड्यारु मोहन शॆणै माम्मालॆ सेवा, परिश्रम खंडित प्रशंसनीय. हे समावेशांतु तांका हार्दिक संमान कोर्नु कुटुंब सदस्यान गौरव दाखयिलॆ सुयोग्य आस्स. अड्यारु गोपाल परिवाराचॆ हे प्रयत्न दुसरे कुटुंबाचांक एक मादरि, ताज्ज निमित्त आम् आम्गॆलॆ कुटुंब राकचॆ, संस्कृति राकचॆ, तन्मूलक धर्म राक्वणाक सर्वान खांद दिवचॆ काम जरूर जाव्नु जाव्का जाल्या. डा॥ मोहन शॆणैंक अभिनंदन हे मूखांतर पावैता आस्स.