२१वॆ अखिल भारत कॊंकणि साहित्य सम्मेळन

“मातृ भाषान शिकिलॆ शिक्षणची नैज आनि परमोच्छ शिक्षण. कॊंकणि चर्डुवांक कॊंकणि मातृ भाषॆंतूची पाठ शिकोवका, इंग्लिष भाषा पाठ तॆ दुसरॆ भाषा(Seछिoटिज ऐचिटिguचिge) पाठ जातलॆ. ताज्यान चर्डुवाल्यांत जल्मत: यॆवचॆ सृजनशीलता ना जाता.  जालॆल्यान चर्डुवल्यांत चिंतनशक्ति वाडचॆ तशिं माय भासॆनची शिक्षण दिवचॆ गरज आसा.  इंग्लिष् शिक्वणान चर्डुवालॆं तांत्रिक दृष्ठिन ज्ञान चडतलॆ शिवाय् तांगॆलांत वैचारिकता, चड जायना अशिं ज्ञानपीठ पुरस्कृत, श्री गिरीश कार्नाड, गॊंय मडगांवांत रवींद्र भवनांत दि. १५.०२.२०१३क २१वॆ अखिल भारत साहित्य सम्मेळन उग्तावण करतना उलयलॊ. गॊंय मुखेलमंत्रि श्री मनोहर पारिक्कर सम्मेळनाचॆ उग्तावण समारंभांत उपस्थित आशिलॆ.  केरळचॆ ख्यात कॊंकणि साहिति श्री आर्.ऎस्. भास्कर हान्नि सम्मेळनांत नवॆं अध्यक्ष जाव्न उलोवप दिलॆं.
डा. प्रकाश वजरीकर हांगॆलॆ अध्यक्षपणारि कॊंकणि नाटक खंयचॆ दिकॆन, श्री संदेश प्रभुदेसायि हांगॆलॆ अध्यक्षपणारि कॊंकणी साहित्याचॊ अणकार, आनि डा. किरण बुडकुळॆं हांगॆलॆ अध्यक्षपणारि लेखना फाटलीं सृजन प्रक्रिया ह्या पूराय् विषयाचॆर भासाभास कार्यक्रम चललॊ. तशींचि श्री मॆल्विन् राड्रिगस् हांगॆलॆ अध्यक्षपणारि लेखकांचि अभिव्यक्ति स्वातंत्र्य आनि मर्यादा, श्री दामोदर मावजॊ हांगॆलॆ अध्यक्षपणारि कॊंकणी साहित्याचॊ अणकार, ह्या पूराय् विषयाचॆर परिसंवाद कार्यक्रम चल्लॊ.
श्रीमति ग्वादालूप डायस  आनि श्री रमेश वॆलूसकार हांगॆलॆ अध्यक्षपणारि दोनि कवि सम्मेळन संपन्न जालॆं.तारीक १५.०२.२०१३ दाकून १७.०२.२०१३तांय चललॊ ह्या २१वॆ अखिल भारतीय कॊंकणि साहित्य सम्मेळनांतु केरळ, मुंबय आनि मंगळूरचॆ पंगडानिं सांस्कृतिक कार्यावळ भारि संभ्रमारि घडून हाळ्ळॆं.
समारोप सुवाळ्यांत  स्वागताध्यक्ष श्री दत्ता दा. नायक हान्नि यॆवकार समितिचॆ उलोवप, नामनॆचॆ साहित्यीक श्री विक्टर् रांजेल हान्नि मुखेल सॊयरॆंलॆ उलोवप दिलॆं. गॊंय, कर्नाटक, केरळ आनि महाराष्ट्र प्रतिनिधींगॆलॆ प्रतिक्रिया जात्तरि  यॆवकार समितीचॆ कार्याध्यक्ष श्री चेतन आचार्य हान्नि उपकार आटयलॊ.  श्रीमति अन्वेषा सिंगबाळान सूत्रसंचालन कॆलॆं.
श्री ऎन्.बि.राय्करांक सन्मानु
सबार होराट, चळ्वळिंतु सक्रीय जाव्नु वांटॊ घेव्नु यश पाव्विलॆ हानगल्लाचॆ म्हाल्गडॆ वकील श्री ऎन्.बि.राय्कर् तांका माजि राज्य पि.डब्ल्यू.डि. सचिव श्री सि.ऎम्.उदासि तान्नि आल्तांतु चलेलॆ उ.क.जिल्ला चॆल्लिया चर्डुंवांगॆलॆ कब्बडि पंद्याट आनि म्हाल्गडॆं नागरिकालॆ दिनाचरणॆ संदर्भारि आदर पूर्वक जाव्नु सन्मान कॆल्लि. हे वेळ्यारि जिल्ला आनि राज्यमट्टाचॆ सबार गण्य उपस्थित आस्सुनु श्री राय्कर माम्माक अभिनंदन पावैलिंति.
कॊंकणि भाषणांतु प्रथम स्थान
कुमारि वैष्णवी शांताराम पै बिळगि(उ.क.) ही दिनांक. ३१-१२-२०१२ दिवसु हळियाळांतु चलेलॆ उत्तर कन्नड जिल्ला मट्टाचॆ “प्रतिभा कारंजि स्फर्धॆंतु कॊंकणि भाषणांतु पयलॆ स्थान घेव्नु राज्यमट्टाचॆ स्फर्धॆक विंचूनु आयल्या. ही ऎस्. आर्. फ्रौढ शालॆ, बिळगि(उ.क.) हांगा ऎस्.ऎस्.ऎल्.सि. विद्यार्थिनि जाव्नु शिक्ता आस्स. आनि बिळगि जि.ऎस्.बि. समाजाचॆ गौरव कार्यदर्शि जालेलॆ श्री शांताराम ऎच्.पै आनि श्रीमति शांतेरि ऎस्.पै हांगेलॆ धूव. मुखावैलॆ स्फर्धॆंतू हिक्का यश मॆळो, आनि मुखारि हिगेलॆ निमित्त कॊंकणि भाषॆक अपार देणिगा पावॊ, शिक्पणांतु हिक्का चांग यश मॆळो म्हॊणु आशय कर्ता, सरस्वति प्रभा तरपेन देवु बरॆं कॊरॊ म्हणता.
मुंडाशि  समर्थ पैक अभिनंदन
सरकारि संयुक्त फ्रौडशाळा वळकाडु हांगा तिन्नि क्लासांतु शिक्ता आश्शिलॊ मुंडाशि समर्थ पै हाणॆ शाळॆचॆ सुवर्ण महोत्सवांतु चलेलॆ विविध स्फर्धॆंतु वांटॊ घेव्नु ‘छद्मवेषांतु प्रथम, स्मरण शक्ति आनि भक्तिगीतॆंतु द्वितीय बहुमान जिंक्ल्या. हो मुंडाशि सुधाकर पै आनि मुंडाशि श्वेता सुधा हांगॆलॊ पूतु. आनि अलॆवूरु नरसिंह किणि हांगॆलॆ भजना शिष्यु. मुंडाशि श्वेता सुधा हान्नि थॊडॆ वर्षा पयलॆ “सरस्वति प्रभांतु “हॊळॆमा उवाचा म्हणचॆ अंकण बरैताश्शिलॆ हांगा उडगोसु कोर्नु घॆव्येत. चि॥ समर्थाक “सरस्वति प्रभा तरपेन देवु बरॆं कॊरॊं म्हणता.