विश्व कॊंकणि केंद्र, मंगळूरु

विश्व कॊंकणि विद्यार्थिवेतन निधिताकुन इंजिनियरिंग आनि मॆडिकल् (ऎं.बि.बि.ऎस्) उच्छ शिक्षणाचॆ आकांक्षिंक कॊंकणि भाषिक प्रतिभावंत विद्यार्थिंक विद्यार्थिवेतन दित्ता असा. ह्या निमित्तान विश्व कॊंकणि केंद्राचॆ विद्यार्थि वेतन निधि ताकुन स्कालरशिप् घॆत्तिल्या इंजिनियरिंग् आनि ऎं.बि.बि.ऎस् अध्ययन करचॆ विद्यार्थिंक क्षमता शिबिर २८-१२-२०१२ तार्कॆर चल्लॆ.  मुखेल सॊय्रॆ जावन कॆनरा ब्यांकाचॆ डॆप्युटि जनरल् म्यानेजर मानॆस्त ऎम्. दासय्य हान्नि विश्व कॊंकणि केंद्रांत उद्घाटन कॆल्लॆं.
कॊंकणि सरदार बस्ति वामन शॆणैलॆ अध्यक्षतॆरि कार्यक्रम चल्लॆं. विश्व कॊंकणि विद्यार्थिवेतन निधिचॆ कार्यदर्शि मानॆस्त प्रदीप जि. पै, क्षमता चॆ संचालक मानॆस्त ऎम्. ऎन्. पै आनि विश्व कॊंकणि केंद्राचॆ कार्यदर्शि मानॆस्त वॆंकटेश ऎन्. बाळिगा, मानॆस्त श्री सि.डि. कामत, कॆनरा ब्यांकाचॆ असिस्टंट् जनरल् म्यानेजर मानॆस्त सतीश नायक आनि विश्व कॊंकणि केंद्र भाषा संस्थानाचॆ सहायक निर्देशक मानॆस्त गुरुदत्त बंट्वाळकार समारंभांत उपस्थित आशिलिंचि.
कुडुबि युवसामर्थ्य संवर्धन
विश्व कॊंकणि केंद्राचॆ वतीन २२-१२-२०१२  क कुडुबि जनांगाचॆ युव सामर्थ्य संवर्धना शिबिर कॊंकणि सरदार बस्ति वामन शॆणै हान्नि विश्व कॊंकणि केंद्रांत उद्घाटन कॆल्लॆं.
कर्नाटक राज्य कुडुबि समाज सेवा संघाचॆ अध्यक्ष मानॆस्त ऎं. रामेगौड कार्‍यदर्शि मानॆस्त नारायण नाय्क गोळियंगडि आनि दक्षिण कन्नड जिल्ला कुडुबि समाज सेवा संघाचॆ अद्लॆ अध्यक्ष मानॆस्त  कॆ.ऎस् गौड हान्नि मुखेल सॊय्रॆ दावन भागि आशिलिंचि. मानॆस्त गुरुदत्त बंट्वाळकार हान्नि स्वागत करन  कार्‍यक्रम निरूपण कॆल्लॆं.                                                                 
२४-१२-२०१२ तार्कॆर समारोप समारंभ चल्लॆं. ह्या शिबिर ऒट्टु तीन दीस चल्लॆं. वेदिकॆरि कर्नाटक राज्य कुडुबि समाज संघद कार्यदर्शि मानॆस्त नारायण नाय्क, मानॆस्त ऎं रामेगौड, उडुपि जिल्ला कुडुबि शिक्षण निधिचॆ अध्यक्ष ऎच्. बॆळ्ळ नाय्क आनि दक्षिण कन्नड जिल्ला समाज सेवा संघाचॆ उपाध्यक्ष मानॆस्त कॆ.ऎस्. गौड उपस्थित आशिलिंचि. उडुपि जिल्ला कुडुबि समाज संघाचॆ उपाध्यक्ष सिद्धार्थ नाय्क नरिकॊड्लु आनि विश्व कॊंकणि केंद्रचॆ भाषा संस्थानाचॆ सहायक र्देशक मानॆस्त गुरुदत्त बंट्वाळकार हान्नि वेदिकॆरि उपस्थित आशिलिंचि.
विश्व कॊंकणि प्रशस्ति प्रधान आनि सन्मान
मंग्ळूराचॆ विश्व कॊंकणि केंद्राचॆ वतीन ता. १२-१२-२०१२ मंग्ळूर टि. वि. रमण पै कान्वॆनषन् हालांत चल्लॆला प्रशस्ति प्रदान समारंभांतु विद्या क्षेत्रांत  दीर्घकाल सेवॆ दिल्लॆलॆ मातोश्री विमला वि. पै आनि २०१२ वर्षाचॆ अत्युत्तम कॊंकणि पुस्तक रंगकाव्य नाटक संकलनाक साहिति मानॆस्त पुंडळीक ऎन. नायक आनि कॊंकणि चळवळिचॆ नेतार लेखक, नट, कवि, दार्शक न्यायवादि उदय ऎल्. भॆंब्रॆ हांका सन्मान कॆलॆं. 
श्रीमति विमला वि. पै, श्री टि.वि.मोहनदास पै मणिपाल बॆंग्ळूर संस्कृत विश्व विद्यानिलयाचॆ कुलपति प्रॊ. मल्लेपुरं जि. वॆंकटेश हान्नि समारंभांत मुखेल सॊय्रॆ दावन भागि आशिलिंचि. कॊंक्णि सरदार बस्ति वामन शॆणै हान्नि आयिलॆ सॊय्रॆंक आनि सकड सभिकांक स्वागत कॆलॆं.
मानॆस्त पुंडलीक ऎन नायक हांका रंग काव्य नाटक संकलनाक प्रॊ. मल्लेपुरं जि. वॆंकटेश हान्नि विमला वि. पै विश्व कॊंकणि साहित्य पुरस्कार प्रदान कॆलॆं.
कॊंकणि फुढारि, झुजारि आनि लेखक उदय् ऎल्. भॆंब्रॆ हांका मुखेल सॊय्रॆ  मानॆस्त टि.वि. मोहनदास पै हान्नि जीवित सिद्धि सम्मान प्रशस्ति प्रदान कॆलॆं. समारंभाचॆ अध्यक्षता कॊंकणि सरदार बस्ति वामन शॆणै हान्नि घॆत्तिलॆ.
श्रीमति विमला वि. पै हांका नळांदा आनि कॆनरा शाळा विद्यार्थिन गौरव दीव्नु अभिनंदन कॆलॆं. विश्व कॊंकणि केंद्राचॆ कार्यदर्शि वॆंकटेश ऎन्. बाळिगा हान्नि कार्यक्रम निर्वहण कॆलॆं.  हेमा नायक, किशोरि भॆंब्रॆ, डा. गीता शॆणै, गीता सि. किणि,  मानॆस्त प्रदीप जि. पै, कॆ. गोकुलदास प्रभु, मॆल्विन रॊड्रिगस, डा. कस्तूरि मोहन पै, ऎं. आर कामत,  गुरुबाळिगा, नरेश आर् किणि, नारायण कामत, रघुनाथ शेट् उपस्थित आशिलिंचि  मीनाक्षि पै हान्नि वंदनार्पण कॆलॆं.
विश्वकॊंकणि केंद्राचॆ नियोग दाकूनु गोवा मुख्यमंत्रि भेटि
विश्व कॊंकणि केंद्राचॆ एक नियोग आल्तांतु गोवाचॆ पणजिक वच्चूनु गोंय्चॆ मुख्यंत्रि मनोहर् पारिकर् तांका भॆट्टूनु  मंगळूराक यव्का म्हणचॆ आमंत्रण दिल्लॆ. विश्व कॊंकणि केंद्राचॆ ट्रस्टि टि.वि. मोहनदास पै, अध्यक्ष बस्ति वामन शॆणै, आन्नेक्ळो ट्रस्टि प्रदीप् जि.पै, सहायक निर्देशक गुरुदत् बंट्वाळकर् तान्नि हे नियोगांतु आश्शिलॆ. मनोहर् पारिकर् तान्नि विश्व कॊंकणि केंद्राचॆ कार्यचटुवटिकॆ खात्तिरि संतोष व्यक्त कोर्नु सद्यांतु मंगळूराक भेटि दिवचॆ वाग्धान कॆल्लॆ.