समाजांतुलॆ अज्ञात आदर्शवादि कॆ. भरत राव्
आम्गॆलॆ देशांतु विज्ञान, ललितकला, क्रीडा, समाज सेवा आदि क्षेत्रांतु नांव पाव्नु सन्मान, पुरस्कार घॆत्तिलॆ सबार लोक आस्सति. तशींचि सरळ आनि सात्विक नमून्यारि, आदर्श सोणात्तिलॆ जनोपयोगि जाव्नु जीवन कॊर्चॆ अज्ञात कर्मयोगि अनेक आस्सति. हॆ दॊन्निचॆ वर्गाचॆ जनांक प्रसिद्धि, पुरस्काराचॆ आसक्ति नात्तिलॆ तांगॆलॆ जीवन विधान$चि दुसर्यांक चा$ंग मादरि जाव्नास्ता. तस्सल्यांतु एक उदाहरण शिवमॊग्ग जिल्ल्याचॆ सागर गांव्चॆ वासि, कॆ. भरत राव्.सागर आनि आस्पासाचॆ खेडॆ लोकांक भरतराव् म्हळ्यारि अपार गौरव आनि म्होगु. ‘रॆडियॊ आनि ‘सैकल् भरतरावांगॆलॆ निकटवर्ति संगाति म्हॊणु तान्नि सांगताति. ताक्का स्वारस्याचॆ इतिहासायि आस्स.
सुमार साठि वर्सा पूडॆ (१९५२) मुंबैंतु तीनि वर्षाचॆ ‘रेडियो मॆक्यानिक् शिक्षण घेव्नु भरतरावानि सागराचॆ जॆ.सि. रस्तेरि “भारत् रेडियॊ हौस् नांवाचॆ फलक घाल्नु एक रेडियॊ रिपेरिचॆ दुकान सुरुवात कॆल्लॆ. तॆं वेळारि आश्शिलॆ बुश्, मर्फि, फिलप्स्, नाशनल् ऎक्खॊ, फर्ग्युसन्, नॆल्कॊ इत्यादि रेडियॊ अल्प खर्चारि रिपेरि कोर्नु दिवचॆ परिणीत म्हॊणु तान्नि नांव पाव्लिं. तशींचि सागर ग्राम आनि आस्पासाचॆ हळ्ळिंक भेटि दिवचाक तान्नि सैकल् वापर्ता आश्शिलिं. अश्शि रेडियॊ आनि सैकल् हांगॆलॆ व्यक्तित्व आनि गुर्ताचॆ लांछन जाल्लॆं!
साठ वर्षा पूडॆ रेडियॊ आनि सैकल् अती उपयोगि आनि अनिवार्य वस्तु जाव्नाश्शिलॆं. आयचॆ दिवसांतु तंत्रज्ञान विपरीत वाड्डुनु टि.वि. कंप्यूटर्, स्कूटर्, मोटर् सैकल्, कार् ऎव्नु रेडियॊ आनि सैकल्लाचॆ उपयोग नेपथ्याक घॆल्ला. जाल्यारि आश्चयाचॆ विषयु म्हळयारि भरत् रावानि आजिकंयि हे दोन वस्तु सोणि. २२ वर्स प्रायेरि प्रारंभ कॆल्लॆलॆ “रेडियो रिपेरि आनि सैकल् सवारि ८२ वर्षा प्रायेचॆ ‘युवकार भरतरावानि आत्तंयि मुखार्सुनु हाणु चालू दवर्ला. तांगॆलॆ सैकल् सवारि निमित्त गांव्चॆ मख्यस्थानि तांका “परिसर प्रेमि म्हॊणु नांव दिल्ला.
भरतरावालॆ जनप्रियतॆक आन्नेक कारण तांगॆलॆ प्रचार नात्तिलॆं समाज सेवा. सागरांतु भगवान् श्री सत्यसायि सेवा समितिचॆ प्रमुख सदस्य जाव्नु समाज सेवा कर्ताचि. हॆ समितिन ‘हॊसकेरि नांवाचॆ अभिवृद्धि नात्तिलॆ हळ्ळिक दत्त घेव्नु अनेक नमून्याचॆ सुधारण कॆल्लॆल्यांतु भरतरावालॆं मुख्य वांटॊ आस्स. डाक्टर दंपति; श्री आनि श्रीमति रामचंद्र भागवतांगॆलॆ ऒट्टु वच्चुनु हान्नि हळ्ळिचॆ जनांक धर्मार्थ वैद्यकीय चिकित्सॆचॆ सुविधा दित्ताचि. भरतरावालॆ बाप्पुसु डाक्टर वासुदेव राव् कापु कामत् कुटुंबाचॆ आस्सुनु, सागर्चॆ लोकांक सुमार अर्ध शवमानापशि च्हड काल निस्वार्थ जाव्नु वैद्यकीय सेवा दिलेलॆ महनीय. तश्शि जाव्नु दीन जनालॆ आरोग्याचॆ काळजि कॊर्चॆ क्रियाशीलतॆ भरतरावांतु रक्तगत जाव्नास्स.
आनि एक विशेष म्हळ्यारि सागरांतु आठ्वडेक एक्पंता लोकांक मॆळोवनु भजना कार्यक्रम चलोव्चॆ. भरत्रावानि स्वप्रयत्नानि राग, ताळ, श्रुति अध्ययन कोर्नु सुश्राव्य नमून्यारि भक्ति संगीत म्हॊण्चॆ अभ्यास कॆल्ला. हांगेलॆ भार्यॆ(बाय्ल) प्रेमा संगीत शिक्लॆ. हॆं दंपतिन ऒट्टु मेळ्नु भक्ति संगीत म्हॊण्चॆ, सागर्चॆ लोकांक एक संभ्रमा विषयु. उमेद आश्शिल्यांक भरतराव् तांगॆलॆ हॆं करगत कलॆचॆ शिक्षण पुक्कट जाव्नु दित्ताति.
आर्तांचि स्थानीय पत्राचॆ “हुरिगाळांतु भरतरावालॆ अभिमानि, मुस्लिं लतीफ् म्हळ्ळॆलॆ पत्रकारान बरॆयिलॆ अश्शि आस्स; “इवर आदर्शतनक्कॆ कॆलवु कडॆयिंद सन्मान, पुरस्कारगळु सिक्किवॆ. श्री सत्यसायि देवस्थानद वतियिंद हागू श्री वॆंकटरमण देवस्थानद वतियिंद सन्मान माडि अभिनंदिसिद दाखलॆगळु इवॆ. आदरॆ इतर संघ, संस्थॆगळु हागू सरकार इंतह आदर्श व्यक्तियन्नु गुरुतिसि प्रोत्साहिसदे इरुवुदु सागरद जनतॆय दौर्भाग्यवे सरि. इवर उदारितन मत्तु आदर्श हीगॆ निरंतरवागि नडॆदु इंदिन युवजनतॆगॆ मार्गदर्शियागलि ऎंदु नम्मॆल्लर आशय.
सामान्यांतु असामान्य जाव्नास्सुचॆ भरतराव् दीर्घायुश्यि जाव्नु, तांगॆलॆ ध्येय साधनॆ परिपूर्ण जाव्वॊ म्हॊणु आम्मि माग्गुयां.
- का. मो.शॆणै, बॆंग्ळूर
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ