कॊंकणि लिपि परिवर्तना साफ्ट् वेर् कॊंकण् वर्टर् अनावरण
विश्व 
कॊंकणि केंद्राचॆ
संस्थान् विभागाचॆ
सहायक निर्देशक गुरुदत् बंट्वाळ्‌कर् तान्नि  अभिवृद्दि कॆलेलॆ कॊंकणि लिपि परिवर्तना साफ्ट् वेर् “कॊंकण् वर्टर्क इन्‌फोसिस् टॆक्नालजीस्‌चॆ म्हालगडॆ उपाध्यक्ष श्री रामदास् कामत् यु. तान्नि आल्तांतु मंगळूराचॆ कॊंकणि केंद्रांतु लोकार्पण कॆल्लि. मागिरि उलैलॆ तान्नि “हे साफ्ट् वेर् खात्तिरि आनि इत्तुलॆ संशोधsन आनि आभिवृद्धि चल्ता. हाज्ज खात्तरि ट्रैनिंग् आयोजन कोर्नु विंगविंगड समुदायाचांक माहिति दिवचॆ योजन आस्स म्हळ्ळिंति. समारंभांतु राक्णो कॊंकणि पत्राचॆ संपादक फा. फ्रान्सिस् रॊड्रिगस्, विश्व कॊंकणि केंद्राचॆ अध्यक्ष बस्ति वामन शॆणै, कार्यदर्शि ऎन्. वॆंकटेश् बाळिगा, विद्यार्थि वेतन निधिचॆ कार्यदर्शि प्रदीप् जि. पै, चॆन्नैचॆ भाषा तंत्रज्ञ विनोद् राजन् आदि गण्य  उपस्थित आश्शिलॆं.
कॊंकणि संवेदना, कलाविदांक सन्मान
कॊंकणि साहित्य अकाडॆमि तरपेन विशिष्ट सामर्थ्याचॆ कॊंकणि भाषा कलाविदांक ऒळक कोर्नु दिवचॆ   ‘कॊंकणि संवेदना’ कार्यक्रम अकाडॆमिचॆ मांटोवु हांतु आल्तांतु चल्लॆ. विशिष्ट सामर्थ्याचॆ संगीत कलाविद विजय कुमार् भट् तांका हे संदभारि सन्मान कॆल्लॆ. आन्नेक्ळॊ संगीत कलाविद क्लोड् डिसोज तान्नि कार्यक्रम  उद्घाटन कॆल्लि. कॊंकणि साहित्य अकाडॆमि अध्यक्ष कासरगोडु चिन्ना तान्नि अध्यक्षता घॆत्तिलॆ. कॊडियाल् खबर् पाक्षिकाचॆ संपादक वॆंकटेश् बाळिग मुखेल सॊयरॆ जाव्नु आय्यिलॆ. शीला कामत् तान्नि प्रार्थन म्हळ्ळॆ. रिजिस्ट्रार् डा.बि.देवदास् पै तान्नि आबार मानलॆ.सदस्य संचालक महेश् आर्. नायक् तान्नि कार्यक्रम निरूपण कॆल्ल्लि. सभा कार्यक्रमाचॆ उपरांत विशिष्ट सामर्थ्याचॆ संगीत कलाविद विजय कुमार् भट्  तांगॆल ताकूनु संगीत कार्यक्रम चल्ल्लि. तांगॆल पूतु कार्तिक् भट् तान्नि तब्लांतु सहकार दिल्लि.
कॊंकणि समृद्द भाषॆ- मु.म चंद्रु 
कॊंकणि भाषॆ एक समृद्ध जालेलॆ आनि सुंदरभास. कॊंकणि संस्कृति व्हरोनु, वाड्डोव्नु आन्निकॆ समृद्ध कॊरका.   म्हॊणु कन्नड अभिवृद्धि प्राधिकाराचॆ अध्यक्ष, चित्र नट जालेलॆ मुख्यमंत्रि चंद्रु तान्नि सांगलॆ.तान्नि कर्नाटक कॊंकणि साहित्य अकाडॆमिचॆ कॊंकणि मांटोवु हांतु दिनांक: २५-८-२०१२क वांटॊ घेव्नु संवाद कार्यक्रमांतु उलैताश्शिलॆ.  संवादांतु तुळु चलनचित्र निर्देशक श्री विजय् कुमार् कॊडियाल् बैल्, रंगनट विठोभ भंडार्‌कर्, श्रीमति स्मिता प्रभु, श्री ऎं.आर्.कामत्. श्री लारॆन्स्, श्रीमति अनिता किणि समेत सबार प्रतिष्ठित लोकानि वांटॊ घॆत्तिलॆ. अकाडॆमि सदस्य श्री राय्‌क्यास्टलिनॊ, श्री महेश् आर् नायक्. श्री अशोक् शेट् मुख्यमंत्रि चंद्रुंक स्वागत कॆल्लिंति. अकाडॆमि रिजिस्ट्रार डा। बि देवदास पै तान्नि येव्कार कॆल्ल्लि. सुमार एक गंटो चलेलॆ संवाद कार्यक्रमांतु बरपूर कॊंकणि लोक जमीलॆ.
 कॊंकणि शिक्षण कार्यागार
“कॊंकणि भाषॆचॆ भविष्य कॊंकणि शिकैचॆ शिक्षकालॊ हात्तांतु आस्स. त्या व्हरोनु घॆव्चॆ जवाब्दारि तान्नि घेव्नु, कॊंकणि चर्डुवांक कॊंकणि भाषाभिमान यव्च वरि कॊरुका. म्हॊणु कॊंकणि आकाडॆमि अध्यक्ष श्री कासरगोडु चिन्ना तान्नि सांगलॆ.  तान्नि कॊंकणि शिक्षक खात्तिरि अकाडॆमिन दि. ६-८-२०१२ आनि ७-८-२०१२ दिवसु चलैलॆ कॊंकणि शिक्षण कार्यागाराचॆ समारोपांतु  उलैताश्शिलॆ. कॊंकणि शिक्षक दिनाचरणॆ सप्टॆंबर् ६ दिवसु मंगळूरांतु  आचरण करताति म्हॊणु तान्नि हे वेळ्यारि सांगलॆ.  डिसॆंबरांतु विद्यार्थियुवजनसम्मेळन आयोजन कॊरचॆ आस्स म्हॊणू तान्नि सांगलॆ. सास्तानाचॆ संत अंतोनि चर्च् धर्मगुरु वं। वलेरियन् फॆर्नांडिस् कार्यक्रमांतु उपस्थित आश्शिलॆं. हे दोन दिवसाचॆ कार्यागारांतु सुमार ५३ शाळॆचॆ शिक्षकानि वांटॊ घॆत्तिलॆ. प्रचार संचालनाचॆ  सदस्य जालेलॆ श्री वितोरि कार्कळ् तान्नि कार्यक्रम निरूपण कॆल्यारि, अकाडॆमि रिजिस्ट्रा डा। बि देवदास पै तान्नि आबार मानलॆ.
गौड सारस्वत ब्राह्मण समाज, धारवाड
धारवाडाचॆ गौड सारस्वत समाजांतु अधिक मास प्रयुक्त ता. ९-९-२०१२ दिवसु लघुविष्णु हवन, अधिक मासाचॆ महात्मॆ खात्तिरि वे.मू. चरणदास भट् तांगॆल ताकूनु विवरण, महा मंगळारति, ब्राहण सुवासिनि पूजा, महा संतर्पण इत्यादि कार्याक्रम चल्लि. आनि श्री गजानोत्सव प्रयुक्त ता. १९-९-२०१२ दाकूनु २३-०९-२०१२ पर्यंत श्री गणेश प्रतिष्ठापन, त्रिकाल पूजा, गणहोमु, मोदक हवन, समाराधन, भजन, भक्तिगीता, रंगपूजा, श्री गजानन विसर्जन इत्यादि कार्यक्रम चॊलचॆ आस्सुनु धारवाड समाज बांधवानि तनुमनधनानि वांटॊ घेव्नु विघ्न विनाशकालॆ कृपेक पात्र जाव्येत.