आकाडॆमि तरपेन कॊंकणि झेंकार
कर्नाटक कॊंकणि साहित्य अकाडॆमिचान दि. १-९-२०१२ दिवसु अकाडॆमिचॆ मांटोवुंतु युवकलाविद जालेलॆ डीलन् आनि लविटा आनि तंडाचॆलॆ कॊंकणि झेंकार युव संगीत कार्यक्रम आयोजन कॆलेलॆ. कार्यक्रमाचॆ उद्घाटक जाव्नु कॊंकणि नाटककार श्री अरुण् राज् रॊड्रिगस् आय्यिलॆ. मुखेल सॊयरॆ जाव्नु  कॊंकणि सांस्कृतिक संघाचॆ माजि अध्यक्ष श्री ऎम्.अर्.कामत् तान्नि उपस्थित आश्शिलॆ. कार्यक्रमाचॆ अध्यक्षता अकाडॆमि अध्यक्ष श्री कासरगोडु चिन्ना तान्नि घॆत्तिलॆ. हे सुवेळ्यारि ख्यात संगीतगार श्री मुरळिधर कामत् आनि  श्रीमति बबिता डेसा हांका साधना पुरस्कार दीव्नु गौरव कॆल्लि. अकाडॆमि रिजिस्ट्रार् डा.बि.देवदास् पै, सदस्य जालेलॆ महेश आर्. नायक् आनि अशोक शेट् हे वेळ्यारि उपस्थित आश्शिलॆ.
गमक वाचन आनि व्याख्यान
कर्नाटक कॊंकणि साहित्य अकाडॆमि तरपेन यल्लापुराचॆ मंचिकेरि गांवांतु आर्त चलेलॆ कॊंकणि सांस्कृतिक कला सांज्वाळ कार्यक्रमांतु हार्सिकट्टाचॆ श्री विश्वनाथ शेm हान्नि भामिनि षट्पदिनि रचन कॆलेलॆ हजार भरि पद्यांतु सीता स्वयंवर विंचूनु तान्नि रागबद्ध जाव्नु गायन कॆल्लि. तांगॆलॆ गायनाक चिक्कमगळूरु जिल्लॆचॆ गमककला परिषत्ताचॊ अध्यक्षु आनि प्रवचनकारु  श्री रामचंद्र सुब्राय शेट् हान्नि व्याख्यान कॆल्लि. तान्नि श्री रामचंद्रालिं आनि सीता मातेलॆ विशेष गुणगान कोर्नु जमिलॆ प्रेक्षकांक कॊंकणिंतु सीता स्वयंवराचॆ गोडि वांटिलॆ. हे समारंभाचॆ अध्यक्षता अकाडॆमि अध्यक्ष श्री कासरगोडु चिन्ना तान्नि घॆत्तिलॆ. रजिस्ट्रार् श्री देविदास पै तान्नि येव्कार कॆल्लि. श्री नागेश अण्वेकरानि आबार मानलि.  कार्यक्रमाक मस्त कॊंकणिग जम्मिलॆ.