अड्यार गोपाळ परिवार एक होड कुटुंब. हे कुटुंबाचॆ मूल तॆग्ग जण भैण्यॊ. म्हाल्घडि भैणिंक १८५०-६० इत्लेक मिजार माधव शॆणैक व्हार्डिक कोर्नु दिल्लि. मध्येचॆ भैणिक बंट्वाळ हिरंकि बड्डकट्टॆ रामचंद्र शॆणैक दिल्लि. धाक्लि भैणि मिजार अण्णप्प कामतिक बाय्ल जाव्नु चम्कलि.
मिजाराचॆ काम्तिलॆ कुटुंबान अड्यार कुटुंबाचॆ ऒट्टु सॊय्रिक कॆल्लि. मिजार् अण्णप्प काम्तिलि म्हाल्घडि धूव यमुना. हिक्का अड्यार रामचंद्र शॆण्यॆलॊ पूतु मंजुनाथाक दित्ताति. यमुनालॆ बाम्णांतंचॆ नांव कमला. कमलान आनि मंजुनाथान संसारु कोर्नु सह जण चॆर्डुव जात्ताति. म्हाल्घडॆ तॆग्ग जण ऎक्का माक्षि ऎक्ळि चॆल्यॊ जात्ताति. तांगॆलॆ माग्गिरि तॆग्ग जण दार्लॆ चॆर्डुवं जात्ताति. दार्लॆ चॆर्डुवां प्यॆकि दॊन्निंचॊ गोपाळु. गोपाळु यमुनालॊ पांचाचॆ चॆर्डु.
गोपाळु होडु जाल्लॆ माग्गिरि ताक्का यमुनालॆ धाक्लॊ भावु मंजुनाथु यानॆ चॆर्डप्पु हाग्गॆलॆ म्हाल्घडि धूव अंबालॆ ऒट्टु व्हार्डिक कर्ताति. अंबालॆ बाम्णांतंचॆ नांव राधाबायि. गोपाळानि आनि राधाबायिन संसारु कोर्नु नव्व जण जन्मांक यॆत्ताति. तांतु दॊग्ग जण सान आस्तनांचि सर्ताति. राधाबायिलॊ चारीचॊ चॆर्डु मोहनु.
अड्यार मोहन शॆण्येन ऎं बि बि ऎस् कोर्नु अमेरिकाक वॊच्चुनु पॆथालजिंतु डिएबिपि कोर्नु भारताक वापस् येव्नु बॆंगळूरांतु स्वंत निजि लॆबोरॆटरि काणु प्रेक्टिस् कॆल्लॆ. आत्त तो ताग्गॆलि लॆबोरॆटरि बंद् कोर्नु रिट्यॆर जाल्ला. मोहनान २००७ इस्विंतु अप्ण्यालॆ आव्सु बाप्सुलॆ उड्गासारि एक परिवार स्थापन कॆल्लॆ. ताक्का अड्यार गोपाळ परिवार म्होणु नांव दिल्लॆ. मोहनालॆ विषयांतु आनिथॊडि माहिति कॊळूंक परिवाराचॆ वॆब् स्यॆट् हें पळया.
हें परिवार २००७ इस्वि धोर्नु प्रति वर्स वार्शिक सामान्य समावेश कोर्नु घेव्नु आय्लां. २०१२ वर्साचॆ समावेश बॆंगळूराचॆ श्री काशि मठ हांगा जॊलोका म्होणु तय्यारि कॆल्ल्या. अक्टोबर १४ आय्तारा बॆंगळूरु श्री काशि मठाचॆ दॊन्नीचॆ माळ्येरि स्वाम्येलॆ हालांतु सकाणि ९ घंट्याक सूरु जाव्नु सांजॆ ५ घंट्याक मुग्दता.
आम्गॆलॆ परिवाराचॊ उद्देशु विशेष कस्सलोयि ना. सम्मेळनांक यॆव्चॆ जण ऎक्ळॆ ऎक्ळ्यांक लॆक्तलॆ जाल्लॆलॆ निमित्त तांगॆलॊ गुर्तु कोर्नु घॆत्तना गम्मत् जात्ता. आंगांतु झुम् जात्ता. हे परिवारांतु अड्यार मंजुनाथ शॆण्यॆ, मिजार माधव शॆण्यॆ, बड्डकट्टॆ हिरंकि रामचंद्र किणि, मिजार अण्णप्प कामत्, संपिगॆ माधवराय किणि (राधाबायिलॆ कुळार), मंचकल् (मुंड्कूर) लक्श्मण कुड्वा (राधाबायिलॆ म्हावेलॆ कुटुंब) इत्लॆ जणालॆ दार्लॆ आनि बाय्लॆ संतान सक्कड आजीव सदस्य जात्ताति. हान्नि नोंदावणॆ करना नात्तिलेंचि परिवाराचॆ सदस्य जात्ताति. नोंदावणिंक जाव्वो इतर खंचेयि कारणांक कस्सलेंयि शुल्क ना. हांका सक्कडांकयि हें नोटीस् मोहनु जाहीर् कर्ता.
२०१२ वर्साचॆ वार्षिक सम्मेळनांचॆ अक्टोबर् १४ (१४-१०-२०१२) तारीकेक सकाणि फळारु, दन्पारा जेवण, सांजॆ तान्नींचॆ हें सक्कड आस्स. हाक्का कायीं प्रवेश शुल्क ना. जाल्यारि हे पटि हाजर् जाव्चॆ सदस्यांक यॆव्चॊ वॊच्चॊ खर्चु, लाटरि, गिफ्प, विद्यार्थि वेतन हें सक्कड खंचॆकी एक कारणान दिव्चॆ ना म्होणु कॆल्लां. हे विषयांतु आम्गॆलॆ परिवार सदस्य मोहनांक माफि कर्ताति म्होणु लॆक्तांति. विविध विनोदावळि, भाषण, संगीत, भजन सक्कड तय्यारि जात्त आस्स. मंचकल् दि. संजीव कुड्वालॊ पूतु देविदासु हे सम्मेळनांचॊ आनररि मेनेजरु जाव्नु श्रमिसुचाक ऒप्वला. विनोदावळिंतु भाग घॆत्तलॆ सदस्यानि तांगॆलॆ नांव देविदास माम्मांक ९६६३०८८१६० हे मॊब्यॆल् नंबराक् फोनु कोर्नु नोंदणि कोर्नु घेव्का. मोहनांक हे विळासाक ईम्यॆल् कराति.
सक्कड दार्लॆ बाय्लॆ सदस्यानि चॆर्डुवांक बर्सिक घेव्नु सम्मेळनांक येव्का.
तुम्गॆलॆ दिवंगत म्हाल्घड्यालॊ फोटॊ घेव्नु येव्का. हो समारंभु आम्गॆलॆ म्हाल्घड्यांक उड्गासु कोरुंक चॊलोचॆ. तांगॆलॊ उड्गासु कॊरूंक तुम्मि सक्कड यॆय्या. येव्नु समारंभ चंद जाव्नु चॊल्चाक सहकारु दीव्का म्होणु मोहनु माग्ता. नमस्कारु.
Web : www.adyargopal.com
e-mail : shenoylab@hotmail.com
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ