JVP

कॆंपेगौड प्रशस्ति पुरस्कृत श्री जगन्नाथ वि.पै, बॆंगळूरु

 बॆंगळूर्‍चॆ पै ग्रूप्स् आफ् होटेल्स् हाज्जॆ म्यानॆजिंग् डैरॆक्टर् श्री जगन्नाथ् वि.पै हान्नि बॆंगळूरु महा नगर पालिकॆचेन( बि.बि.ऎम्.पि.) दिवचॆ २०१३ सालाचॆ प्रतिष्ठित कॆंपेगौड प्रशस्तिन पुरस्कृत जालेलॆ समग्र जि.ऎस्.बि. बांधवांक अभिमानाचॆ विषयु. ता. २९-०६-२०१३ दिवसु बॆंगळूर्‍चॆ बिबि‌ऎंपि प्रधान कछेरिंतु डा॥ राजकुमार गाजिनमनॆ आवारांतु कर्नाटक राज्याचॆ मुख्यमंत्रि श्री सिद्दरामय्य तांगॆलॆ उपस्थितीरि ह्या प्रशस्ति प्रधान जाल्लॆ.
श्री जगन्नाथ वि.पै मामु व्हड प्रमाणारि समाज सेवा करता आस्सति. हान्नि सबार गरीब लोकांक नौकरि दीव्नु, योग्य पगारु, सर्व सौलभ्य दीव्नु आदर्शनीय होटेल् उद्यमि म्हणोव्नु घॆतल्या. आनि सबार संघ-संस्थॆंतु सक्रिय जाव्नु वांटॊ घेव्नु आपणांगॆलॆ     तनु-मन-धनाचॆ सेवा पावैता आस्सति.  हांगॆलॆ पै ग्रूप्स् होटेल् बॆंगळूर, तिरुपति, मैसूरांतु जनप्रिय जाव्नु आत्त उत्तर कर्नाटकाचॆ वाणिज्य राजधानि म्हणोव्नु घॆव्चॆ हुब्बळ्ळिक सैत पादार्पण करता आस्स. हुब्बळ्ळि-धारवाड हैवे वयरि उणकल् थंळॆ लाग्गिचॆ श्रीनगर क्रासांतु हांगॆलॆ ग्रूपाचॆ “दि प्रॆसिडॆंट् होटेल् सद्यांतु आरंभ जाव्चॆ आस्सुनु हांतु ७० रूम्स् आनि सूट्स्, उपहार गृह, बोर्ड रूम्, ब्ल्यांकेट् हाल्, कान्परॆन्स् हाल् इत्यादि सुविध  उपलब्ध जात्ता. ह्या पूरा साकार जाव्चॆ खात्तिरि श्री जगन्नाथ वि.पै आनि तांगॆलॆ टीम् तयार जाव्नु आस्सति. मॆ॥ पै ग्रूपांचेलॆ सेवा बॆग्गि हुब्बळ्ळि -धारवाड लोकांक मॆळॊ म्हॊणु सरस्वति प्रभा आशय कर्ता.

श्री जगन्नाथ वि. पै माम्माक तांगेलॆ सेवा आनि दान गुण खात्तरि विंगड सबार कडेन हार्दिक सत्कार चल्लॆलॆ आस्स. घॆलेलॆ वर्ष मंड्य जिल्ला होटेलु मालकर संघाचान हांका “आतिथ्

य रत्न म्हणचॆ प्रशस्ति दीव्नु  सन्मान कॆल्ल्या. तश्शिचि विंग विंगड होटेलु मालकालॆ संघाचान, जि.ऎस्.बि. समाजाचान, दुस्रॆ संघ संस्थ्याचान सैत हांका आपोव्नु सन्मान कॆल्ल्या. मुखारचॆ दिवसांतु श्री जगन्नाथ वि. पै माम्मा निमित्त समाजाक, हॊटेलु उद्यमाक आन्निकॆ च्हड च्हड सेवा पावो, हांका पद्म भूषण तस्सालॆ राष्ट्रीय प्रशस्ति मॆळॊ म्हॊणु सरस्वति प्रभा आशय कर्ता.