श्री काशी मठाधीशांगॆलॆ चातुर्मास आरंभ

श्री संस्थान काशीमठाधीश श्रीमद् सुधींद्र तीर्थ श्रीपाद वडेर स्वाम्यांनि प्रथम चातुर्मास वृत १९४४ इस्वॆचॆ तारण संवत्सरांतु घॆत्तिलॆ; अवुंदु  विजयनाम संवत्सराचॆ चातुर्मासु तांगॆलॆ सप्रतितम(७०)चॊ चातुर्मासु. त्या तान्नि श्री वॆंकटरमण आनि श्री महालसा नारायणि देवळ, कॊंचाडि श्री काशीमठ, पदविनंगडि, मंगळूरु - ५७५००८ हांगा २७-७-२०१३ दिवसु सुरुवात कॆल्लया. त्या दिवसु यथाविधि, मुद्राधारण, सभा कार्यक्रम पाद्यपूजा, संतर्पण इत्यादि धार्मिक कार्यक्रम चलेलॆ खब्बर मॆळ्ळा. प।पू। स्वाम्यांगॆलॆ चातुर्मासु ता. १९-९-१३ पर्यंत हांगा घडता.

श्रीमद् संयमींद्रतीर्थ स्वामॆ.

बॆंगळूराचॆ मल्लेश्वरं १९चॆ क्रासांतु आस्सुचॆ श्री काशी मठांतु संस्थान श्री काशीमठाधीश श्रीमद् सुधींद्र तीर्थ स्वाम्यांगॆलॆ पट्टशिष्य श्रीमद् संयमींद्र तीर्थ स्वाम्यांगॆलॆ विजय नाम संवत्सराचॆ चातुर्मास्य वृत स्वीकार समारंभ ता. २७-७-२०१३ दिवसु विजृंभणेरि सुरुवात जाल्लॆ. यथा धार्मिक विधि बरशि सभा कार्यक्रम, पुत्तूरु नरसिंह नायक् दाकूनु भजन, मृत्तिका पूजन पाद्यपूजा, संतर्पण इत्यादि कार्यक्रम हे वेळ्यारि चल्लॆ. हे संदर्भारि डा॥ पि. दयानंद पै, श्री कॆ. जनार्धन भट्, मैसूरु, वे।मू। शृंगेरि सुधाकर् भट् इत्यादि समाजाचॆ गण्य लोक उपस्थित आश्शिलॆ.

श्रीमद् विद्याधिराज तीर्थ श्रीपाद वडेर

श्री गोकर्ण पर्तगाळि जीवोत्तम मठाधीश श्रीमद् विद्याधिराज तीर्थ श्रीपाद वडेर स्वाम्यांगॆलॆ अवुंदूचॆ चातुर्मासु गोंय्चॆ मडगांवाचॆ गॊग्ला श्री वॆंकटरमण मठांतु ता. २७-७-२०१३ दिवसु विजृंभणेरि सुरुवात जाल्लॆ. गोंय, कर्नाटक, महाराष्ट्र समेत देशाद्यंताचॆ श्री मठाचॆ अपार भक्त, गण्य समाज बांधव हे वेळ्यारि उपस्थित आश्शिलॆ.

श्री लक्ष्मी वॆंकटेश देवळ, उडुपि

उड्पि श्री लक्ष्मी वॆंकटेश देवळांतु १-६-१३क परिवार देवु श्री महालक्ष्मी देविलॆ प्रतिष्ठा वर्धंति उत्सवा प्रयुक्त रात्तिक उत्सवु, ८-६-१३क वसंतोत्सवु समाप्ति, १२-६-१३क परिवार देवु श्री महागणपति देवालॆ प्रतिष्ठा वर्धंति, २१-६-१३क श्री अनुग्रह लक्ष्मी वृत, १०-७-१३क श्री काशीमठाधीश श्रीमद् वरदेंद्र तीर्थ स्वाम्यांगॆलॆ पुण्यतिथि आचरण, १८-७-१३क श्री देवालॆ चातुर्मास्य आरंभ प्रयुक्त संप्रोक्षण, पंचामृताभिषेक, शतकलशाभिषेक, २३-७-१३क श्रीमद् सुकृतींद्र तीर्थ स्वाम्यांलॆ पुण्यतिथि आचरण, ११-८-१३क नागर पंचमि ११३ चॆ भजना सप्त आरंभ,  १२-८-१३क श्रीमद् माधवेंद्र तीर्थ स्वाम्यांलॆ पुण्यतिथि आचरण, इत्यादि धार्मिक कार्यक्रम चलेलॆ खब्बर मॆळ्ळा. मुखारि १६-८-१३क भजना सप्ताचॆ रंगपूजा, श्री वरमहालक्ष्मी वृत, १७-८-१३क भजना सप्ताचॆ एकादशि, नगर भजन, नजर काणिक वितरण, १८-८-१३क भजना सप्ताचॆ मंगलोत्सव, मडस्नान, धंयॆ बुड्कळॊ , महा समाराधन, मरु भजन, २०-८-१३क सुत्तापुन्नव, २५-८-१३क सामूहिक चूडि पूजन, २८-८-१३क तुळसी अर्चन, अर्घ्य समर्पणॆ बरशि श्री कृष्णाष्टमि, ८-९-१३क तंयि, ९-९-१३ दाकूनु १३-९-१३ पर्यंत श्री गणेश चौति आनि १८-९-१३क कलश भरचॆ, कलश प्रतिष्ठॆ, महा पूजन, समाराधन, पुण्य कथावाचन बरशि श्री अनंत नोंपि इत्यादि धार्मिक कार्यक्रम चॊलचॆ आस्स.

श्री अनंतेश्वर देवळ, मंजेश्वर

मंजेश्वराचॆ गौड सारस्वत ब्राह्मण समाजाक संबंध पाव्विलॆ श्रीमत् अनंतेश्वर देवळांतु आषाढ एकादशि ता. १९-७-१३क, २२-७-१३क शतकलश, १२-८-१३क नागर पंचमि प्रयुक्त वासुकी पूजन, रात्तिक लक्ष फुल्ला पूजन इत्यादि धार्मिक कार्यक्रम चलेलॆ खब्बर मॆळ्ळा. मुखारि १६-८-१३क वरमहालक्ष्मी वृत प्रयुक्त श्री महामाया देवळांतु विशेष पूजा, १९-८-१३क समाराधन, लक्ष फुल्ला पूजा, २१-८-१३क सुत्ताफुन्वॆ प्रयुक्त सांज्वाळा समुद्र पूजा, २८-८-१३क रात्तिक अष्टोत्तर पूजॆ सहित श्री कृष्णाष्टमि, ८-९-१३क तंयि, ९-९-१३ दाकूनु १३-९-१३ पर्यंत श्री गणेश चौति आचरण , १८-९-१३क श्री आनंत नोंपि प्रयुक्त महा पूजा, आर्ति, समाराधन आनि अनंत नोहि उत्सव इत्यादि धार्मिक कार्यक्रम चॊल्चॆ आस्स म्हणचॆ खब्बर मॆळ्ळा.

विश्व कॊंकणि केंद्र, मंगळूरु

  कर्नाटक सरकाराचॆ मुखेल मंत्रि आनि वित्त मंत्रि श्री सिद्दरामय्यन कॊंकणि भास आनि संस्कृति प्रतिष्ठानाचॆ कॊंकणि भास, साहित्य, संस्कृति,  कला आनि लोकवेद कार्‍यावळीचॆ अभिवृद्धि वावराचॆ उद्देशान रू. ३.५० कोटिचॆ अनुदान, २०१३-१४ वरसाचॆ बड्जॆटांत पास कॆलां. ह्या खातिर विश्व कॊंकणि केंद्राचॆ  चॆयर म्यान आनि सरकाराचॆ उच्छ शिक्षण मंत्रि मान्य  आर्. व्हि देशपांडॆन प्रयत्न कॆलॆलॆ.  विश्व कॊंकणि केंद्राचॆ चॆयरमॆन मानॆस्त  डा. पि. दयानंद पै,   अध्यक्ष विश्व कॊंकणि सरदार मानॆस्त  बस्ति वामन शॆणै , मानॆस्त  टि. वि मोहनदास पै, मानॆस्त  रामदास कामत् यु, कोशाध्यक्ष मानॆस्त  कुड्पि जगदीश शॆणै, मानॆस्त  प्रदीप जि. पै,  मानॆस्त  वॆंकटेश बाळिगा (कार्‍यदर्शि) आनि मानॆस्त  गुरुदत्त बंट्वाळकार, हान्नि सरकाराचॆ अनुदाना खातिर कर्नाटक सरकाराचा सन्मान्य मुख्य मंत्रि मानॆस्त  सिद्दरामय्य आनि  मानॆस्त  आर्. व्हि देशपांडॆजिक  पर्बि दिलया.
सात(७) क्षमता शिबिर आयोजन
विश्व कॊंकणि केंद्राचॆ विद्यार्थि वेतन निधिचॆ वतिन विद्यार्थि वेतन घॆत्तिल्या इंजियरिंग् आनि ऎं.बि.बि.ऎस् अध्ययन करचा ऒट्टु ४५५ कॊंकणि मातृभाषिक विद्यार्थिंक क्षमता (एoटिञचिटिi Sणuजeटिणs ऊigheडि ंछिhievemeटिण ऒoणivचिणioटि चिटिज खिडिचिiटिiटिg ंछिचिजemथि) निरंतर जावन एक महिन्यॊ सात विंगड विंगड तंड कोर्नु चलैलॆ शिबिराचॆ शुरुवात विश्व कॊंकणि केंद्रांत ०१-०७-२०१३ तार्कॆर; मुखेल सॊय्रॆ जावन भागि आशिलॆ उद्यमि आनि विदेशि व्यवहार तज्ञ मानॆस्त  वाल्टर डिसोजा हान्नि उद्घाटन कॆल्लॆं. तद नंतर निरंतर समाजाचॆ विंग विंगड गण्य, अनुभवि लोकानि यव्नु शिबिरार्थिंक आप्णांगॆलॆ अनुभवाचॆ गोडि वांटिलॆ
शिबिरार्थिंनि तांगॆल जीवनांत व्यक्ति विकसनाक अनुकूल जावचॆ ह्या शिबिराचॆ चटुवटिकॆंत भाग् घॆव्नु  शिबिरांत शिकॊवचॆ मस्त इतलॆ विषयाचॆ प्रयोजन घॆव्नु मुखावयलॆ जीवनांत उत्तम कार्य साधन करन तांगॆल भविष्य उज्वल जावचाक श्रम घॆव्का अश्शि म्हॊणु शिबिरांतु वांटॊ घॆत्तिलॆ सर्व सॊयर्‍यानि सांग्लॆ. आनि विश्व कॊंकणि केंद्राचॆ हे वाव्रॆचॆ तारीपु कॆल्लॆ.
सात्तावे तंडाचॆ समारोप ता. २७-०७-२०१३ दिवसु आयोजन जालेलॆ. हे समारोप समारंभाक  ऐ पॊयिंट कन्सल्टिंग प्रैवॆट् लिमिटॆडचॆ  डैरॆक्टर् मानॆस्त प्रदीप शॆणै  मुखेल सॊयरॆ जाव्नु आय्यिलॆ.  हे सर्व समारंभाचॆ अध्यक्षता विश्व कॊंकणि केंद्राचॆ स्थापनाध्यक्ष कॊंकणि सरदार बस्ति वामन शॆणै हान्नि घॆत्तिलॆ.  क्षमता शिबिराचॆ संचालक, तरबेतुदार प्रीतम् कामत्, विश्व कॊंकणि विद्यार्थि वेतन निधिचॆ कार्यदर्शि मानॆस्त प्रदीप जि. पै, विश्व कॊंकणि केंद्राचॆ कार्यदर्शि मानॆस्त वॆंकटेश ऎन. बाळिगा, विश्व कॊंकणि केंद्र भाषा संस्थानाचॆ सहायक निर्देशक मानॆस्त गुरुदत्त बंट्वाळकार आदि लोक हे सर्व समारंभांतु भागि आश्शिलॆ. अखेरिक हे शिबिरांतु वांटॊ घॆत्तिलॆ विद्यार्थि लोकानि तांग तांगॆलॆ अनुभव सांगूनु, हे शिबिराचान तान्नि घॆत्तिलॆ अनुभव वांटूनु घॆत्लॆ.