खंचॆ काय्लॆ खंचॆ घरा वाक्कद?

मुडिम  : मुडिम जालेलॆ जागॊ चांग उद्कान धूव्नु घेव्का. बेवा पान्ना बरशि हळ्दि पिट्टि सेर्‍सुनु, ल्हान कोर्नु वाट्टूनु घॆय्याति. तश्शि वाट्टूनु घॆत्तिलॆ पेस्ट रात्तिक निद्दॆचॆ पय्लॆ मुडिम आश्शिलॆ जागॆंतु लाव्नु घेव्नु, हॆर्‍दीसु चांग साबूनानि, हून उद्कानि धूव्नु घेव्नु सॊडा. आनि सुक्किलॆ च्हॊक टवॆल् घेव्नु तॊंड पुस्सुनु घेव्का. मुडिम मस्त आश्शिल्यान तॆल्कट्, आनि गॊडशॆ च्हड खावचाक नज्ज. जवणांतु बरपूर पाच्वॆ बाजि पाल्लॊ, तरकारि आनि पिक्किलॆ फळ खाव्येत.
करट : सान्सान करट, बॊक्केक लवंग उद्कांतु वाट्टुनु पेस्ट कोर्नु लाय्ता आयलेरि गूण जात्ता.  बेवा पान्न उद्कांतु कतकतोव्नु त्या नाव्चॆ उद्का बरशि मॆळोव्नु नाव्चॆ दाकूनु सान्सान करट, बॊक्कॊ उट्टॆना.
ब्रांक्यॆटिस् आनि ब्रांकैल् आस्तम :  हून दुद्दाक एक चमचॊ चांग शुद्ध हळ्दि पिट्टॊ घाल्नु, दिव्साक दोन्पंता पिव्का.
शैत्य : शैत्यानि नांक बांदूनु आसलेरि धगधग्चॆ इंगाळॆ वय्रि हळ्दि पिट्टि उद्रुसूनु नांकानि वासु घेव्का.
मलबद्धतॆ : उत्कडॆ सम जाव्नु जाय्ना जाल्यारि प्रति दिवसु बरपूर उद्दाक पीव्का. फ्रॆश् तरकारि, फळ, नार आस्सुचॆ आहार घेव्का. निद्दॆचॆ पय्लॆ दोन जांवॊ चार चमचॊ गुल्कंद खाव्नु, व्हड लोटॆंतु हून दूद पीव्का.
कांकि : तुळसि पान्न चांग कोर्नु चांग उद्कांतु धूव्नु घेव्नु, त्या पान्नाचॆ रोसु काणु घेव्का., ताक्का एक्दोनि चमचॊ म्होवा त्हूप सेर्‍सुनु, सक्काणि पूडॆ, धोंपारा आनि रात्तिक अश्शि पांच दिवसु काळ घॆतलेरि कांकि गूण जात्ता.
शरीरांतु शक्ति बरचाक : पिक्किलॆ रसबाळे, पच्चबाळे जांवॊ यालक्कि बाळे खेळॆ जवण जाल्ल मागिरि प्रति दिवसु चूकनाशि ४० दिवसु घॆत्तिलॆ जाल्यारि शरीरांतु चांग शक्ति बरता.
तॊंडा वासु वच्चाक : प्रतिदिवसु जवण जाल्ल मागिरि एक्केक लवंग घाल्नु जगडिता आसलेरि तॊंडा वासु ऊणॆ जात्ता. मीट आनि लवंग दॊन्नी मेळोव्नु चप्पर्‍सिता आसलेरि सुस्त ऊणॆ जाव्चॆ बरशि तॊंडा वासूयि गूण जात्ता.
संधा धूकि : संधा दूखि निवारणॆक कॊब्रॆल् (नार्‍ला) तॆल्लांतु इंगा पिट्टि काल्लॊनु दूकि आश्शिलॆ जागॆंतु गस्टूचॆ दाकूनु संधा दूकि गूण जात्ता.                           
                                   कृपॆ : कणज