वीरविट्ठल मठ कोडकणि

विजय नाम संवत्सराचॆ चैत्र वद्य त्रयोदशि मंगळवार दिवसु  कोडकणिचॆ श्री वीरविट्ठल मठांतु विट्ठल रुकुमायि देवालॆ पांचवॆ वर्षाचॆ प्रतिष्ठा वर्धंति यशस्वि जाव्नु सॊंप्लॆ. मठांतु  वे.मू. राधाकृष्ण भट् आनि वे.मू. दामोदर भट् हांगॆलॆ पौरोहित्वांतु शतकलशार्चन, पवमान अभिषेक चल्लॆ. विट्ठल रुकुमायि पूजा, महामंगळारति चल्लॆ. तश्यि प्रसाद वितरणा आन्न संतर्पणॆ जाल्लॆ.
    रात्रि जाल्लिलॆ कार्यक्रमांतु समाज बांधवानि भजना कार्यक्रम चलोनु दिल्लॆ. ताज्जॆ उपरांत मठाचॆ प्रांगणांतु पाल्कि उत्सव घड्लॆ. रात्रि महापूजॆचॆ नंतर पानक आनि प्रसाद वितरण कॆल्लॆ. ह्यां ऒट्टू कार्यक्रमांतु गांव्चॆ, परगांव्चॆ जि‌ऎस्‌बि समाजबांधव एकत्र मेळ्नु चंद रीतिरि चलोनु दिल्लालॆ.
चित्रवरदि : अरविंद श्यानभाग, बाळेरि

विश्व कॊंकणि केंद्र क्षमता कार्यागार

विश्व कॊंकणि केंद्रांत मंगळूरचॆ श्री वीर वॆंकटेश चारिटेबल् ट्रस्टाचॆ तरपेन विद्यार्थि वेतन घॆत्तिल्या कॊंकणि विद्यार्थिंक क्षमता तरबेति कार्यागार १४-०५-२०१३क श्री वीर वॆंकटेश चारिटेबल् ट्रस्टाचॆ अध्यक्ष श्री ऎ. कॆ. मंजुनाथ शॆणै हान्नि उद्घाटन कॆल्लॆं. कॊंकणि सरदार श्री बस्ति वामन शॆणैलॆ अध्यक्षतेरि कार्यक्रम चल्लॆं. सॊय्रॆ जाव्नु श्री ऎम्. नागेश पै आनि श्री जगन्नाथ् कामत्, ट्रस्टाचॆ कार्यदर्शि श्री गणपति पै, श्री बि. आर् भट्, विश्व कॊंकणि केंद्राचॆ कार्यदर्शि वॆंकटेश ऎन्. बाळिगा, श्री गुरुदत्त बंट्वाळकार, विश्व कॊंकणि विद्यार्थिवेतन निधिचॆ कार्यदर्शि श्री प्रदीप जि. पै, क्षमता शिबिराचॆ संचालक श्री गिरिधर कामत् आनि संघटक श्री ऎम्. ऎन्. पै, तरबेतुदार  प्रीतम् कामत् समारंभांतु उपस्थित आशिलिंचि.
समारोप : क्षमता तरबेत कार्यागाराचॆ समारो समारंभ १६-०५-२०१३क विश्व कॊंकणि केंद्रांतु चल्लॆ. श्री बस्ति वामन शॆणैलॆ अध्यक्षतॆरि कार्यक्रम चल्लॆं. सॊय्रॆ जावन श्री वीर वॆंकटेश चारिटेबल् ट्रस्टाचॆ अध्यक्ष श्री ऎ. कॆ. मंजुनाथ शॆणै, सदस्य  श्री ऎम्. नागेश पै श्र्ती जगन्नाथ् कामत् आनि श्री गणपति पै, श्री मिजार सदानंद पै, श्री वॆंकटेश ऎन्. बाळिगा, विश्व कॊंकणि विद्यार्थिवेतन निधिचॆ कार्यदर्शि श्री प्रदीप जि. पै, श्री गुरुदत्त बंट्वाळकार, प्रीतम् कामत् समारंभांतु उपस्थित आशिलिंचि कुमारि राधिका भट् पि. हान्नि स्वागत कॆल्लॆं. कुमारि अमृता ऎस्. श्यानभाग हान्नि कार्यक्रम निर्वहण करन, कुमारि काव्य कॆ. नायक् हान्नि वंदनार्पण कॆल्लॆं.