अनंत वैदिक केंद्रा तरपेन चारि धार्मिक सि.डि.

मनुष्यु आपणालॆ शरीर पोषणॆ खात्तिर पौष्ठिकांश आस्सुचॆ आहार खात्ता. हांतु विटामिन्स् आस्स, तांतु प्रोटिन्स् आस्स, आन्नेकांतु मिनरल्स् आस्स म्हॊणु त्या पूरा सॊद्दुनु हाणु कात्ता. शरीराचॆ आरोग्य खात्तिरि वाकिंग् कर्ता, व्यायामु, डयटिंग् कर्ता... ऒट्टारॆ आप्पण सुदृढ जाव्नु आस्सुका, खंचेयि काय्लॊ, शारीरिक उपद्रव आपणालॆ लाग्गी ऎवचाक नज्ज म्हॊणु तॊं मुंजागृत घेव्नु अश्शि कर्ता. जाल्यारि मुनुष्यु म्हळयारि खालि शरीर मात्रवे? न्हंहि चैतन्य आनि जड मेळ्नू मनुष्यु जाव्चॆ. चैतन्याक आम्मि आत्मु म्हणताति. आत्मु स्वतंत्रवे? न्हंहि. ताक्का मन, बुद्धि आनि इंद्रियाचॆ बंधन आस्स. हे मन, बुद्धि आनि इंद्रियाक सुस्थितिंतु दवरूनु घॆवचाक आम्मि बौद्धिक पोषकांश घेव्का जात्ता. त्यांचि आध्यात्म, परभ, पुराण, पुण्यकथा, मनरंजन, वाचन इत्यादि.
घॆलेलॆ मस्त वर्षाचान लोकालॆ हे बौद्धिक बूखि निवैचांतु आडियो क्यासेट, सि.टि., विडीयॊ क्यासॆट्, पुस्तक प्रिंट् कोर्नु देश विदेशांतु प्रख्यात जालीलॆ उड्पिचॆ वे.मू. रामचंद्र अनंत भट् हान्नि. पुरातन गिंडि नर्तक कॆलॆ वरोचॆ खात्तिरि थॊडॆ वर्षा पयलॆ हान्नि त्या शिक्कूनु, एक तंड बांदूनु घेव्नु आमगेलॆ राज्य मात्र न्हंहिसि  बायचॆ राज्यांतु सैत घूव्नु ताज्ज प्रदर्शन दीव्नु आय्यिलॆ आस्स. मुखारि आमगेलॆ धर्म, संस्कृति, संस्कार खात्तिरि आयचॆ नवीन पीळ्गॆक माहिति कोर्नु दिव्का म्हणचॆ महोद्देशान हान्नि पुस्तक, क्यासेट्, सि.डि. मुखांतर धार्मिक प्रचार कॊरचाक लागलिंति. आनि ताज्ज खात्तिरि “अनंत वैदिक केंद्र म्हणचॆ संस्थॆयि आरंभ कॆल्लॆ.
त्या अनंत वैदिक केंद्र तरपेन आज पर्यंत ऒट्टु शंबर भरि क्यासेट्, पुस्तक, सि.डि. तान्नि समाजाक अर्पण कॆल्ल्या. तांतु प्रमुख म्हळयारि श्री विष्णु सहस्रनाम स्तोत्रं- भाग-१,२,३(सि.डि.,& क्यासेट्), श्री देवता स्तोत्र, कॊंकणिंतु श्री कृष्ण जन्माष्टमि (क्यासेट्& सि.डि.), कॊंकणिंतु गौरि गणेश पूजा (क्यासेट् आनि सि.डि.), गिंडि नर्तन, भाग -१,२,३ (वि.सि.डि.), गिंडि नर्तनाचॆ भजन(क्यासेट्, सि.डि.आनि वि.सिडि.), कॊंकणिंतु संध्यावंदन (क्यासेट् आनि सि.डि.), भगवान श्री वेदव्यास(प्रवचन सि.डि.), घोडश संस्कार(कॊंकणि प्रवचन सि.डि.), आमगेलॆं देवु आमगेलॆं स्वामि(कॊंकणि प्रवचन सि.डि.), आमगेलॆपरबॊं आनि पितृकार्या महत्व(कॊंकणि प्रवचन सि.डि.), संध्यावंदन मत्तु देव पूजा(विसिडि), लक्ष्मी आराधना(प्रवचन सि.डि.)आचार मध्वरु मत्तु गुरु भक्त(कन्नड सि.डि.) अश्शि बरैता घॆलयारि त्या पट्टि मस्त लांब जात्ता. ताज्जे बरशि तान्नि आल्तांतु आनि चारि सि.डि. बायरि हाडला.
तांतुलॆ प्रथम सि.डि. “कृष्णामूर्ति कण्णामुंदॆ श्री पुरंदर दासांगॆलॆ ८, श्री जगन्नाथ दास, श्री व्यासराय, श्री गुरु पुरंदर विठल दासांगॆलॆ एकेक मेळ्नु ऒट्टु ११ दासालॆ पद गांतूनु हे सि.डि. कॆल्ला. हाक्का संगीत पंडित उपेंद्र भट्टानि दिल्ल्या. आय्कुचाक सुश्राव्य जाव्नु आस्स. म्हॊल रू. : ७५/-
दॊन्नि सि.डि. “व्यासामृत. वेदव्यास भजन.  संगीत दीव्नु सांगिलॆ पंडित् भीमसेन् जोषि. संयोजक पंडित उपेंद्र भट्. हांतु ध्यानमूलं गुरोमूर्तिः, गुरुमहाराज गुरु,  वंदिसुवॆनु गुरुराया इत्यादि ऒट्टु ९ पद आस्स. म्हॊल रू. : ७५/-.
तिस्रे सि.डि. “दास भक्ति हांतूयि श्री पुरंदर दासांगॆलॆ ८ पद, श्री विजयदास, श्रीपाद राज आनि श्री गुरुसार्वभौमांगॆलॆ एक्केक पद मेळ्नु दासानि बरॆयिलॆ ऒट्टु ११ पद आस्स. संगीत आनि संयोजन पंडित उपेंद्र भट्. म्हॊल रू. ७५/-.
चारिचॆ सि.डि. “गीत रामायण. आमगेलॆ पुराण ग्रंथांतु रामायणाक उन्नत स्थान आस्स. तस्सालॆ रामायण पद्यांतु सर्वांक सरळ जाव्नु अर्थु जाव्चवरि सांगचॆ एक प्रयत्न हांगा कॆल्ल्या. सर्वांक मस्त आवड्चॆ तस्सालॆ सि.डि. म्हळयारि चूक जायसना. हाज्जॆ गायक पंडित् उपेंद्र भट् आनि वे.मू.शृंगेरि सुधाकर् भट् माम्मानि निरूपण कॆल्ल्या. हिम्मेळांतु वायलिन् सहायु टि. रंग पै हान्नि दिलयारि, ओंकार्‌नाथ गुल्वाडि तान्नि तबला साथ दिल्लया. ध्वनि मुद्रण व्यवस्था श्री टि. रंग पै मणिपाल आनि कॆ. मोहनदास पै कॆम्मण्णु हांगॆलॆ. सर्वान परत परत आयकूका जालेलॆ सि.डि. म्हॊणु सांगेत. हाज्ज म्हॊल रू. : ७५.  अनंत वैदिक केंद्राचान बाय्रि हाडिलॆ खंचेयि विसिडि, सिडि, क्यासेट् जांवॊ पुस्तक जाव्का जालेल्यान तॊग्गुचॆ पत्तॆंतु संपर्क कॊरयेत. अनंत वैदिक केंद्र, श्री अनंत निलय, उडुपि - ५७६१०१. पोन् : ०८२०-२५२५६३४, मॊ : ९८४५७ ९०९०४.