तोन्सॆ पै फेमिलि ट्रस्, तोन्सॆ

तोन्सॆंतु धार्मिक चिंतन

तोन्सॆ पै कुटुंबस्थानि निरंतर घॆलेलॆ सबार वर्षाचान प्रती म्हहिनो  श्री सत्यनारायण वृत आयोजन कर्ता आस्सुनु १३८चॆ वृत उडुपि   टि. पांडुरंग पैंगॆलॊ पूतु टि. अरविंद पै सेवादार जाव्नु हेंचि नवंबर् २५क तोन्सॆंतु चल्लॆ. श्री महालसा नारायणी भजना मंडळि, तोन्सॆ हांगॆल दाकूनु भजना सेवा चल्लॆ. मंडळि मुखेल कॆ. गणेश् ऎम्. कामत् हांका संमान कॆल्लॆ. कार्यकमांतु कल्याणपुर श्री वॆंकटरमण देवळाचॆ  टि. पांडुरंग किणि, बस्रूरु श्री महालसा नारायणी देवळाचॆ धर्मदर्शि टि. सदानंद पै, बैदेबॆट्टु  श्री राम मंदिराचॆ बि. मोहन्‌दास् पै, भद्रगिरि श्री वीरविठ्ठल देवळाचॆ धर्मदर्शि टि. रमेश् पै आनि चंद्रकांत् ऎम्. प्रभु, संगीत सभाचॆ कार्यदर्शि टि. अजित् पै उडुपि, श्रीनिवास् कामत् पॆर्डूरु, मुंडासि सुधाकर् पै उडुपि, उमेश् नायक् उडुपि हांका येव्कार कॆल्लॆ.  धार्मिक कार्यक्रमाचॆ अध्यक्षता डा. कॆ. पद्मनाभ केकुण्णाय तान्नि घॆत्तिलॆ. हान्नि गीताश्लोकाचॆ विवरण दिल्लिंति. सॊयरॆ जाव्नु कॆ. सुरेश् पै कल्याणपुर, टि. चित्रानंद पै मस्कत् आनि हे वृताचॆ सेवादार  वेदिकॆरि उपस्थित आश्शिलॆ. जडभरत शर्म कटपाडि दाकूनु सुधींद्रवाणिचॆ विश्लेषण कॊरचॆ बरशि  राधाकृष्ण प्रभु काप हांगॆलॊट्टु कार्यक्रमाचॆ निर्वहण कॆल्लि.  टि. देवदास पै दाकूनु स्वस्तिवाचन, टि. प्रभाकर पै दाकूनु येव्कार चल्यारि. टि. गणेश् पै हान्नि आबार मानलॆ. १३९चॆ सत्यनारायण वृताचॆ सेवादार टि. हरिकृष्ण पै उडुपि म्हॊणु प्रकटणॆंतु कळैला.
नामजप अभियान : श्री शांतेरि महालसा नारायण्यै नम: नामजप अभियान ता. १४.०१.२०१३ दाकूनु ता. ०९.११.२०१३ पर्यंत  ३०० दिवस काळ चॊलचॆ आस्सुनु, जपधारिंक प्रति नित्य जपु मोणु, दाखल कोर्नु दवरचॆ खात्तिरि ३०० कालं आस्सुचॆ पुस्तक २०१२ दशंबर अखैरि भित्तरि दित्ताति. चड्त माहिति खात्तिरि  कुटुंबाचॆ संघटकांक संपर्कु कॊरयेत.
श्री सत्यनारायण शतोत्तर पंचाशत् महोत्सव
श्री देवालॆ प्रीत्यर्थ आनि कुटुंबस्थालॆ श्रेयस्सा खात्तिरि तोन्सॆ पै फेमिलिचान  सुरुवात कॆलीलॆ श्री सत्यनारायण व्रत हर म्हहिनो चल्ता आस्सुनु, मुखारि वर्ष १५०चॆ व्रत चॊलचॆ आस्स, त्या वेळ्यारि तीनि दिवसु काळ विंगविंगड धार्मिक तथा सांस्कृतिक कार्यावळि आयोजन कॊरचाक “तोन्सॆ पै फेमिलि ट्रस्टाचान ठरैला.  ता. २२.११.२०१३ शुक्रवार श्री विष्णुसहस्रनाम यज्ञ ; ता. २३.११.२०१३ शन्वार श्री गीता यज्ञ तश्शीचि ता. २४.११.२०१३ आय्तवार कुलदेवि जगन्माता श्री शांतेरि महालसा नारायणी महायाग आनि १५०चॆ श्री सत्यनारायण व्रत.
कार्यक्रमाचॆ भाग जाव्नु सांस्कृतिक कार्यक्रमचल्ता. न्हंहिसि उडुपि जिल्लॆचॆ चर्डुंवा खात्तिरि गीत कंठपाठ स्पर्धॆ, योग स्पर्धॆ, चित्रकला स्पर्धॆ घाल्नु घॆवचॆ आस्स खंयि. हे पयलॆ कुलदेविलॆ ५ कोटि आनि ७ कोटि नामजप यज्ञ चलीलॆ आस्स. हे जप ता. १४-०१-२०१३ दिवसु सुरुवात कोर्नु ९-११-२०१३ पर्यंत ऒट्टु ३०० दिवसांतु १० कोटि  नाम जप कॊरचॆ संकल्प तोन्सॆ कुटुंबाचॆ जाव्नास्स. तोन्सॆ, तॆंकनिडियूरु, बडानिडियूरु, कॆम्मण्णु, मल्पॆ, तॊट्टां, बैदेबॆट्टु, आगुंबॆ, सास्तान - बार्कूरु, ब्रह्मावर, गोवा, बग्गर्‌बॆट्टु, पडमन्नूरु (कुंदापुर), गंगॊळ्ळि पै कुटुंबस्थालॆ आनि बंधु-बांधवालॆ सहकारानि हांतु यश पाव्चॆ विश्वासु “तोन्सॆ पै फेमिलि ट्रस्टाचांक  आस्स. २०११ंतु इष्ट देवु जालीलॊ श्री वॆंकटेशालॆ ७ कोटि नामजपाचॆ संकल्प कॆलीलॆ. जाल्यारि निरीक्षॆ पशि च्हड १४ कोटि नाम जप चल्लॆ. हे कार्यक्रमाक कुटुंबस्थान च्हड संख्यारि वांटॊ घॆव्का म्हॊणु विनंति आस्स.