श्री मर्तप्प विठ्ठल श्यानुभाग हांगॆलॆ “सहस्र चंद्रदर्शन शांति
मूलतः उप्पुंदाचॆ बिजूराचॆ श्री मर्तप्प विठ्ठल श्यानुभाग हांका (अशीतिवर्ष) ८१ वर्ष भरलेलॆ शुभ संदर्भारि हांगॆलॆ स लोक चल्ल्या चर्डुंवानि मेळ्नु बापुसूलॆ “सहस्र चंद्रदर्शन शांति ता. २२-०५-२०१२ आनि ता. २३-०५-२०१२ दिवसु विजृंभणेरि आयोजन कॆलेलॆ. सर्वा ताकूनु मर्तप्पमामु म्हॊणु आपोवनु घॆव्चॆ हान्नि गंगॊळ्ळिचॆ बंदरांतु “श्री कृष्ण भवन म्हणचॆ हॊटेल पन्नास वर्षापशि च्हड काळ चलोवनु नांव पाव्विलॆ तस्सालॆ. हांगॆलॆ हात्ताचॆ खाण सर्वान पसंद कॊरचॆ तस्सालॆ. देवु-धर्म कार्यांतु हांगॆलॆ विपुल योगदान आस्स. हांका स चाल्या चर्डुंव आनि एकळि चॆल्लि आस्सति. सहस्र चंद्र दर्शन शांति प्रयुक्त उप्पुंदाचॆ श्री लक्ष्मी वॆखटरमण देवळांतु ता. २२-०५-२०१२क देवता प्रार्थना, गुरु गणपति पूजना, पुण्याह वाचन, मातृका पूजना, नांदि, श्राद्ध, आचार्यद्रिवण, सहस्र चंद्रदर्शन शांति, कलशाधिवास पूजा, नैवेद्य, मंगळारति, प्रसाद वितरण इत्यादि कार्यक्रम चल्लॆ.
विशेष कार्यक्रमु ता. २३-०५-२०१२ दिवसु चल्लॆ. ते दिवसु आवाहिता देवता पूजना, अग्नि प्रतिष्ठॆ, आवाहिता देवता हवन, पूर्णाहुति, श्रेयोग्रहण, कलशाभिदान, कलशाभिषेक, मंगळद्रव्य निरीक्षण, मालाधारण, दंपति पूजा, महा समाराधन, वैदिक संभावन, आनि आशीर्वाद ग्रहण इत्यादि कार्यक्रम चलेलॆ खब्बर मॆळ्ळा. हे समारंभाक राज्याचॆ मूल्लमूल्लॆचान तांगॆलॆ बंधु-मित्र व्हड संख्यारि येव्नु म्हाल्गडि जालेलॆ श्री मर्तप्प श्यानुभाग आनि तांगॆलॆ बायल श्रीमति सीताबाय् हांगेलॆ शुभाशीर्वादु घेव्नु पुनीत जाल्लॆ. हांका आन्निकॆ मस्त काळ देवु चांग आरोग्य दीवो म्हणचॆ मॆगेलॆ प्रार्थना.
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ