6/12-Deva-3

गौड सारस्वत ब्राह्मण समाज, चिक्कमगळूरु
चिक्कमगळूरु गौड सारस्वत ब्राह्मण समाजाचॆ श्री राम देवळांतु श्री राम देवालॆ प्रतिष्ठा वर्धंति महोत्सवु ता. १८-०८-२०१२ दिवसु विजृंभणेरि चलेलॆ खब्बर मॆळ्ळा. तत्संबंध धा समस्तालॆ प्रार्थन, सान्निध्य होमु, श्री देवाक कलशाभिषेक, यज्ञारति, महामंगळारति, श्री देवाक आनि प।पू। गुरुवर्यांक पट्ट काणिका, प्रसाद वितरण, फलावळि एलं, भूरि संतर्पण, सांज्वाळा भजना कार्यक्रम इत्यादि धार्मिक कार्यक्रम चलेलॆ खब्बर मॆळ्ळा. श्री राम देवळांतु “श्री नागदेवता पुनर् प्रतिष्ठापन ता. ३१-०५-२०१२ दिवसु विधिपूर्वक जाव्नु चलेलॆ खब्बर मॆळ्ळा.
गौड सारस्वत ब्राह्मण समाज, धारवाड
धारवाडाचॆ गौड सारस्वत ब्राह्मण समाजाचॆ समाज मंदिर सरस्वति निकेतनाक श्री संस्थान गौड पादाचार्य कैवल्य मठाधीश श्रीमद् शिवानंद सरस्वति स्वामॆं ता. ७-०५-२०१२ ताकूनु ११-०५-२०१२ पर्यंत मॊक्का ं उरलीलॆ. हे सुवेळ्यारि सागराचान आय्यिलॆ स्वाम्यांक ऎल्.इ.ऎ. क्यांटीन्नाचॆ ऎद्राक स्वागत कोर्नु आपोव्नु हाळ्ळॆ. मागिरि स्वाम्यांगॆलॆ पाद्यपूजा, स्वागत भाषण, प।पू। स्वाम्या ताकूनु आशीर्वचन, प्रति दिवसु नैर्मल्य पूजा, भिक्षा सेवा, पाद्य पूजा, डा॥ वॆंकट नरसिंह जोशि हांगॆल ताकूनु धार्मिक विषयाचॆ खात्तिरि प्रवचन, महिळा मंडळि ताकूनु सांस्कृतिक कार्यावळि, समाजा तरपेन प।पू। स्वाम्यांक पाद्य पूजा, प।पू। स्वाम्या ताकूनु आशर्वचन आनि समाज बांधवांक फल मंत्राक्षत वितरण, महा संतर्पण ११-०५-२०१२क प।पू। स्वाम्यांक तांगॆलॆ बॆळगाव् मॊक्कामाक शुभ विदाय इत्यादि कार्यक्रम चलेलॆ खब्बर मॆळ्ळा.
श्री महाविष्णु देवळ, शिरसि
शिर्शिचॆ श्री महा विष्णु देवळाचॆ १७२चॆ वर्धंति  उत्सवु ता. २३-०५-२०१२ दिवसु विजृंभणेरि चल्लॆ. तन्निमित्त श्री देवाक शियाळा अभिषेक, शतकलशार्चन, श्री लघुविष्णु हवन, १०८ कलशाचॆ श्री सत्यनारायण वृत पूजा, अन्न संतर्पण, धा समस्तालॆ वार्षिक सभा, पालंखी उत्सवु, पाण्णॆ सेवा, अष्टावधान सेवा, पनवार सेवा, मंगळारति, प्रसाद वितरण इत्यादि धार्मिक कार्यक्रम चलेलॆ खब्बर मॆळ्ळा. 
श्री महालसा नारायणी देवळ, बस्रूरु
बस्रूरु श्री महालसा नारायणी देवळाचॆ पुनःप्रतिष्ठॆचॆ १३चॆ वर्धंति उत्सवु ता. ६-०५-२०१२ दिवसु प्रार्थन, पूर्वांग विधान, सानिध्य हवन, शतकलशाभिषेक, श्री नाग देवाक आनि जट्टिग देवाक विशेष पूजा, हर्‍कॆक आय्यिलॆ काप्डाचॆ एलं, दर्शन सेवा, महा संतर्पण, रुप्पॆ पालंखी सेवा, अष्टावधान सेवा, वसंत पूजा, रात्रि पूजा, प्रसाद वितरण, फुल्ला पूजा, उदयास्तमान सेवा इत्यादि धार्मिक कार्यक्रम बरोबरि विजृंभणेरि चलेलॆ खब्बर मॆळ्ळा. श्री देवळाचॆ “श्री नारायणी अतिथि ग्रह योजनेक रू. ११,०००/- पशि च्हड देणिगा दिवचॆ भक्तांगॆलॆ नांव अमृत फलकांतु बरोवनु गालता खंयि. ब्रह्मरथ तश्शिचि वसंतमंटपांतु विराजमान जावचॆ महालसा नारायणी देविक रुप्पॆ सिंहासन पीठ कॊरचाक ठरयला. हे दॊन्नि योजनेंक देणिगा दिवचाक इच्छा आश्शिलॆ भक्त लोकानि चड्तॆ माहितीक श्री महालसा नारायणी देवळ, मंडिकेरि बस्रूरु - ५७६२११, पोन् : ०८२५४ - २३७७०० हांगाक संपर्कु कॊरयेत.
श्री विठ्ठल देवळ, तल्लूरु
तल्लूरु पॆंटाचॆ श्री विठ्ठल देवालॆ पुनः प्रतिष्ठॆचॆ १७चॆ वार्षिक महोत्सव ता. १०-०५-२०१२ दिवसु द्वादश कलश, संप्रोक्षण, सान्निध्य हवन, देवाक लघु विष्णु हवन, पवमान कलश, महापूज, संतर्पण, न्हंहिता रात्तिक श्री देवालॆ उत्सवु, रात्रि पूजा इत्यादि धार्मिक कार्यक्रम द्वारा चलेलॆ खब्बर मॆळ्ळा. देवळांतु रू. ५००/- शाश्वत सेवा ठेवणि जाव्नु दवर्ल्यारि ताज्जॆ वाड्डिन प्रति वर्ष एक दिवसाचॆ सेवा चलोवनु प्रसाद पॆटोवनु दित्ताति. चड्तॆ माहिति खात्तिरि टि. श्रीपति अनंत प्रभु, आडळ्तॆ मॊक्तेसरु (पोन् नं. ९६३२९८२७६७, ०८२५४-२३८३२६) हांका संपर्कु कॊरयेत.
संपूर्ण देवि महात्मॆ खेळु
कळ्तारु संतेकट्टॆचॆ श्रीमति भारति देवदास् गडियार आनि चर्डुंवानि ता. ११-०५-२०१२ दिवसु मंदार्ति श्री दुर्गा परमेश्वरि दशावतार यक्षगान मेळाचॆ हरकॆ खेळु खॆळय्लॆ. प्रसंग “संपूर्ण देवि महात्मॆ त्या संबंध सक्काणि गणपति होमु आनि अन्न संतर्पण चल्लॆ. गांव्चॆ -परगांव्चॆ अपार भक्तबांधव, तांगॆलॆ बंधु-मित्र हे संदर्भारि उपस्थित ऊर्नु श्री देवालॆ कृपा कटाक्षाक पात्र जाल्लॆ.
बॆंग्ळूरांतु जि‌ऎस्‌बि युव समावेश 
वैवाहिक जीवनाक रिगचाक अर्हजालेलॆ  जि‌ऎस्‌बि समाजाचॆ चल्लॊ आनि चॆल्लियॆंगेलॆ  समावेश बॆंगळूळूराचॆ  मल्लेश्वरंचॆ श्री काशी मठांतु जून् ३ दिवसु आयोजित कॆलेलॆ.  जि.ऎस्.बि. वैवाहिक माहिति केंद्र ’संबंधु’ तरपेन चलेलॆ हे  कार्यक्रम उद्धाटन श्री काशी मठ व्यवस्थापक समितिचॆ अध्यक्ष डा। पि. दयानंद पै माम्मानि कॆल्लॆ.