जि‌ऎस्.ऎस्.ऎस्. चारिटबल् फौंडेशन्, बॆंगळूरु

     आर्थिक जाव्नु दुर्बल आस्सुचॆ चर्डुवांलॆ शिक्षणाक मद्दत् आनि तरबेति दिवचॆ उद्देशान सुरुवात जालेलॆ हे फौंडेशन् जुलै २००८चान  २०१० थांयि ११९० विद्यार्थ्यांक रू. ११,४०,०००/- विद्यार्थि वेतन वितरण कॆलेलॆ आस्सूनु, अवूंदु ७०० विद्यार्थ्यांक रू. ८ लाक् वांटूचॆ विचार दवरूनु घॆत्ल्या खंयि. न्हंहिसि निरुद्योगि विद्यार्थ्यांक उचित कंप्यूटर् शिक्षण दिवचॆ योजनांयि आस्स. ह्या पूरा समाजाभिवृद्धि सेवा निरंतर जाव्नु मूकार्‍सुनु घेव्नु वच्चुक रू. ५० लाकाचॆ एक निधि कॊरचाक  ठरोनु तॆं खात्तिरि प्लाटिनं, डैमंड्, गोल्ड् आनि सिल्वर् म्हणचॆ चारि नमून्या दानिलॆं सहायान हे समाजमुखि कार्य कार्यगत कॊरचाक ठरेला म्हॊणु कोळ्नु आयला.  हॆं खात्तिरि दानि लोकानि दाराळ मनान आपणांगॆलॆ सहायु हॆं फौंडेशन्नाक दिवका म्हॊणु विनंति आस्स. तॆं खात्तिरि फौंडेशन्ना तरपेन पद्मश्री डा॥ कद्रि गोपालनाथ आनि प्रवीण गोड्खंडि हांगॆलॆ मिळावट “वॆस्ट् मीट्स् ईस्ट् म्हणचॆ संगीत कार्यक्रम ता. २४-०७-२०११ दिवसु बॆंगळूराचॆ चौडय्य मॆमोरियल् हालांतु आयोजन कॆलेलॆ. हे फौंडेशन्ना खात्तिरि, ताज्जॆ कार्य चटुवटिकेक देणिगा दिवचाक इच्छा आश्शिल्यान सि.ऎस्.ऎस्. चारिटेबल् फौंडेशन्, चित्रापूर भवन, ८चॆं मैन्, १५चॆं आड रस्तो, मल्लेश्वरं वॆस्ट्, बॆंगळूरु - ५६००५५, पोन् : ०८०-२३३४२८२८, इ-हांगाक संपर्कु कॊर्‍येत. प्रतियॆक्ल्यान समाजमुखि जालेलॆ अस्सलॆ कार्याक चड्तॆ च्हड सहाय हस्त दिवका म्हॊणु फौंडेशन्ना विनंति आस्स.