श्री दुर्गा हॊन्नम्म देवळ, सिद्दापूर
सिद्दापूर्‍चॆ तॊग्गू पेंटाचॆ श्री दुगा हॊन्नम्म देविलॆ मूलस्थानांतु प्रतिष्ठा वर्धंत्युत्सवु ता. ३-४-१४ आनि ४-४-२०१४ दिवसु प्रार्थन, कलासानिध्य हवन, शतकलशाभिषेक, मंगलनिरीक्षण, पट्टकाणिका, महामंगळार्ति, दर्शन सेवा, महासंतर्पण, पेंटाचॆ पालंखी उत्सवु, वसंत पूजा , फुल्ला पूजा, अन्न संतर्पण, उदयास्तमान सेवा, कुंकुमार्चन, जट्टिगेश्वराक नार्‍लु-गोड अर्पण इत्यादि धार्मिक कार्यावळि बरशि विजृंभणेरि चल्लॆ. हे देवळांतु प्रति मैनो पय्लॆ भुध्वार दर्शन सेवा आस्ता. चड्तॆ माहिति खात्तिरि देवुळाचॆ कमिटि अध्यक्ष श्री सुधीर् जॆ. नायक् (पोन् : ०९५९४२९१९३९) जांवॊ कार्यदर्शि श्री बालराज नायक् (पोन् : ०९०२९३४८३२८) हांका संपर्कु कॊरयेत.
श्री चौडेश्वरि महालसा देवुळ, कार्गल्
सागर ता॥चॆ प्रसिद्ध कार्गल् श्री चौडेश्वरि महालसा देवुळाचॆ १६चॆ वर्धंति उत्सवु आनि रथोत्सवु ता. १७-३-२०१४ थाकूनु १९-३-२०१४ पर्यंत विजृंभणेरि चलेलॆ खब्बर मॆळ्ळा. तत्संबंध मार्च् १७क श्री देवता प्रार्थना, सर्वालंकार पूजन, महा अन्न संतर्पण, प।पू।श्रीमद् विद्याधिराज तीर्थ श्रीपाद वडेर स्वाम्यांक पूर्णकुंभ स्वागत, श्री मारुति रंगमंदिरांतु शाळा चॆर्डुवांक प्रतिभा पुरस्कार, श्री मारुति प्रताप यक्षगान प्रदर्शन चल्लॆ. मार्च् १८क सामूहिक गणोमु, महा अन्न संतर्पण, रथोत्सवु, प।पू।स्वाम्यांगॆलॆ पाद्य पूजा, आनि स्वाम्यांगॆलॆ पाद्यपूजा आनि स्वाम्या थाकूनु आशीर्वचन, रूपकला तंड, कुंदापुर हाज्जॆ सदस्य थाकूनु नाटक इत्यादि कार्यक्रम चल्लॆ. कडेर्‍चॆ दिवसु मार्च् १९क नवचंडि हवन, सामूहिक श्री सत्यनारायण पूजन, सर्वालंकार पूजन, महा अन्नसंतर्पण, चर्डुंवालॆ कृष्णवेष प्रदर्शन, नृत्यसंजॆ इत्यादि कार्यक्रम चलेलॆ खब्बर मॆळ्ळा. हे देव्ळा खात्तिरि खंचे माहिति जाव्का जाल्यारि पोन् नं. ९४४८१२४३५७ हांका संपर्कु कॊरयेत.
श्री शांतिका परमेश्वरि देवळ, कुमटा
कुमटाचॆ शांतिका परमेश्वरि देवळाचॆ सहस्रचंडि महायागाचॆ सांगत्य प्रतिष्ठावर्धंति ता. ४-३-१४ थाकूनु ९-३-१४ पर्यंत ऎडनीरु मठाचॆ श्री श्री केशवानंद भारति स्वामीजि हांगॆलॆ उपस्थिति आनि मार्गदर्शनारि विजृंभणेरि चल्लॆ. तत्संबंध वर्धंति उत्सवु, सहस्रचंडि महायाग, श्री सत्यनारायण वृताचरण, रुप्पॆचॆ फुल्ला रथांतु श्री देविलॆ नगरोत्सवु, पुक्कट आयुर्वेद आरोग्य तपासणा शिबिर, विविध नृत्य, नाटक, गान, भक्तिसुधा, उपन्यास, यक्षगान प्रदर्शन  इत्यादि सांस्कृतिक कार्यक्रमु, उपन्यास इत्यादि चलेलॆ खब्बर मॆळ्ळा.
श्री महालक्मी रवळनाथ देवुळ, हिरेगुति
कुमटा ता॥ हिरेगुत्ति श्री महालक्ष्मी रवळनाथ देवालॆ ३५चॆ प्रतिष्ठा वर्धंति उत्सवु ता. १८-३-२०१४ दिवसु प्रार्थन, लघुरुद्र हवन, शियाळ- पंचामृताभिषेक, कुंकुमार्चन, महा मंगळार्ति, महा संतर्पण , हरिनाम संकीर्तन, पालंखी उत्सवु, दर्शन मुखेन प्रसाद वितरण, महा सभा इत्यादि कार्यक्रम बरशि विजृंभणेरि चल्लॆ.
मुखारि ता. २२-४-१४क श्री गरुड आरोहण, २३-४-१४क श्री देवालॆ ब्रह्मरथोत्सवु, २४-४-१४क अवभृतोत्सवु चॊल्चॆ आस्सुनु भक्त बांधवानि चड्तॆ संख्यारि तनु-मन-धनानि वांटॊ घेव्का म्हॊणु देवुळ तरपेन विनंति आस्स. हे देवुळांतु चॊल्चॆ सेवॆ इन्नितर खंचे माहिति जाव्का जालेल्यान पोन् ९७४१६४४९३७ हांगाक संपर्कु कॊरयेत.
श्री महालसा देवुळ, मादनगेरि
प।पू।श्रीमद् विद्याधिराज तीर्थ श्रीपाद वडेर स्वाम्यांगॆलॆ दाकूनु पुनर् प्रतिष्ठा जालेलॆ मादनगेरिचॆ श्री महालसा सिद्धिविनायक देवालॆ वर्धंति उत्सवु ता. २१-३-२०१४ दिवसु प्रार्थन, श्री महालसा देवाक शतकलशाभिषेक,श्री सिद्दिविनायक देवाक अथर्वशीर्ष अबिषेक, महा मंगळार्ति, महा अन्नसंतर्पण, प।पू। स्वाम्यांगॆलॆ शुभागमन, दर्शन इत्यादि कार्यक्रम बरशि विजृंभणेरि चलेलॆ खब्बर मॆळ्ळा.
श्री लक्ष्मीनारायणदेवळ, हनुमट्टा
अंकोलॆ ता॥ हनुमट्टा वंदिगॆचॆ श्री लक्ष्मीनारायण महामाया देवळांतु कलाभिवृद्धि महोत्सव स्मरणार्थ शतचंडि, लघुविष्णु हवन ता. १८-२-१४ दाकूनु २०-२-२०१४ पर्यंत विजृंभणेरि चलेलॆ खब्बर मॆळ्ळा. नैशि श्री देवळांतु सुग्गी उत्सवु ता. १८-३-२०१४ दिवसु चलेलॆ खब्बर मॆळ्ळा.
शुभ विवाह
चि॥ हरीश शॆणै(श्रीमति सुलोचना शॆणै आनि दि॥ प्रकाश शॆणै हांगॆल पूतु) आनि चि॥सौ॥ शिल्पश्री (श्रीमति सुधा कॆ. कामत् आनि श्री केशव कामत्, शिवमॊग्ग हांगॆलॆ धूव) हांगॆलॆ लग्न ता. २३-२-२०१४ दिवसु शिवमॊग्ग जि.ऎस्.बि. कल्याण मंदिराचॆ श्री सुधींद्र सभागृहांतु विजृंभणेरि चल्लॆ. आनि नवीन व्हरॆतु-व्हकल्यालि गर्भरोहण ता. २४-२-२०१४ दिवसु चल्लॆ.  व्हरेतु, व्हकळ्यांक आम्गॆलॆ शुभाशयु.



श्री सुरेंद्र पालनकर हांका “कलारत्न प्रशस्ति
हुब्बळ्ळिचॆ ख्यात जादुगारु आनि श्याडोफ्ले कलाविद श्री सुरेंद्र पालनकg हांका आल्तांतु धारवाडांतु कन्नड आनि संस्कृति इलाखॆ तरपेन चलेलॆ सांस्कृतिक कलामेळ कार्यक्रमांतु  कलारत्न प्रशस्ति दीव्नु सत्कार कॆल्लॆ. हे संदर्भारि माजि शासक श्री चंद्रकांत बॆल्लद, श्री प्रकाश मल्लिगवाड, श्री अशोक चलवादि, श्री कॆ.ऎच्. चन्नूर आदि गण्य उपस्थित व्हरलीलॆ. श्री पालनकर हान्नि घॆलेलॆ २७ वर्षा दाकूनु जादुगार जाव्नु कर्नाटक समेत महाराष्ट्र, गोंय, केरळांतु सुमार हजारा पशि च्हड कार्यक्रम दीव्नु नांव पाव्लिंति. हान्नि मातृभाषा कॊंकणि समेत कन्नड, मराठि, हिंदि भाषॆंतु जादु प्रदर्शन दित्ताति. (माहितिक : ९८४४१८४०४४)
धारवाडाक कॊंकणि साहित्य अकाडॆमि अध्यक्षु
‘कर्नाटक कॊंकणि साहित्य अकाडॆमिक एक नवीन दिशा दिव्का म्हॊणु आपणालॆ आशयु. कॊंकणि उर्‍का जाल्यारि त्या वाज्जुचॆ आनि वापर्‍चॆ तश्शि भविष्याचॆ नागरिक जालेलॆ चॆर्डुंवांक तयार कोर्‍का. हे खात्तिरिचि आप्पण आपणालॆ अधिकारावधिंतु च्हड नजर घाल्ता. अश्शि म्हॊणु कनाटक कॊंकणि अकाडॆमिचॆ नूतन अध्यक्ष श्री रॊनाल्ड्(रॊय्) क्यास्टलिनॊ तान्नि सांग्लॆ. तान्नि कॊंकणि अकाडॆमि अध्यक्ष जाल्ल मागिरि प्रप्रथम जाव्नु मार्च २०क धारवाडाक आय्यिल तॆद्ना चलेलॆ कॊंकणि लोकांगॆलॆ एक सभांतु उलैताश्शिलॆ. हे संदर्भारि आपणालॆ अभिप्रायु वांटूनु घॆत्तिलॆ सरस्वति प्रभाचॆ संपादक आर्‍गोडु सुरेश शॆणैन “कर्नाटक कॊंकणि साहित्य अकाडॆमिचॆ मूल उद्देश ‘कॊंकणि साहित्याक मद्दत् दिव्चॆ. जाल्यारि हे खात्तिरि इत्तुलॆ दिवसांतु आकाडॆमि दाकूनु चलेलॆ साधन मस्त ऊणॆ त्या खात्तिरि तुमगेलॆ अधिकारवधिंतु पूणि कॊंकणि साहित्य, पुस्तक प्रकटण आनि पत्रिकोद्यमाक प्रोत्साह दीव्का म्हण्चॆ मागणि दवर्‍लॆ. हाक्का सकारात्मक जाव्नु प्रतिक्रिया दिलेलॆ श्री क्यास्टलिनॊ तान्नि कॊंकणि पुस्तक विक्रय कॊरचाक मॊबैल् व्याना व्यवस्था कॊरचॆ, आनि कॊंकणिंतु प्रकट जालेलॆ पुस्तकाचॆ रू. १०,०००/- मौल्याचॆ प्रति घॆव्चॆ व्यवस्था कॊर्‍चॆ भर्‍वस दिल्लिंति. आनि शाळॆंतु  च्हड च्हड विद्यार्थि लोकानि कॊंकणि शिकल्यारि मुखारि कॊंकणि वाचपालॆ अंकडॊ वृद्धि जात्ता त्या खात्तिरि आप्पण वाव्रॊ कर्ता म्हण्चॆ भर्‍वस दिल्लिंति. आनि अवुंदु वर्षाचॆ प्रशस्ति वितरण समारंभ धारवाडांतु कॊरचाक ठरयला म्हॊणू तान्नि सांग्लॆ. धारवाडा दाकूनु कर्नाटक कॊंकणि अकाडॆमिक नियक्त जालेलॆ सांदॊ आकाशवाणिचॆ निवृत्त निर्देशक डा॥ चेतन कुमार नाय्क तान्नि सुरवेक सर्वांक येव्कार कोर्नु हे समारंभ यशस्वि कॊरचाक सर्वालॆ सहकार माग्लिंति. आनि सभॆक अध्यक्ष्यांगॆलॆ ऒळक कोर्नु दिल्लॆ. सभाक आय्यिलॆ सर्व महनीयानि कॊंकणि भाषाभिवृद्धि खात्तिरि तांग तांगॆलॆ अभिप्रायु व्यक्त कॆल्लि. जि.ऎस्.बि. समाजाचॆ कार्यदर्शि श्री रामचंद्र शानभाग तान्नि कडेरि सर्वांक आभार मानलॆ.
हे सभॆक धारवाड जि.ऎस्.बि. समाजाध्यक्ष श्री गंगाधर नायक्, गौरव कार्यदर्शि श्री रामचंद्र शानभाग, प्रख्यात वैद्य डा॥ राजन् देशपांडॆ, ख्यात  गायकि श्रीमति अनुराधा धारेश्वर, आकाशवाणिचॆ निवृत्त सुद्धिवाचक श्री नागेश शानभाग, आकाशवाणि धारवाडाचॆ कॊंकणि विभागाचॆ श्री अरुण नायक्, श्रीमति नीलावर सरस्वति प्रभाचॆ आर्‍गोडु सुरेश शॆणै, आदि महनीय आय्यिलॆ.
कॊंकणि अकाडॆमिक नेमक
कर्नाटक कॊंकणि अकाडॆमिकचॆ नूतन सदस्य जाव्नु उ.क कोडकणिचॊ डा. अरविंद चंद्रकांत श्यानभाग हांका नेमक कॆल्या. डा. अरविंद श्यानभाग हा संस्कृत विषयांतु ऎं.ऎ. पि.ऎच्.डि. पदवीधर,  हान्नि स्नातकोत्तर अध्ययनांतु तीन भांग्रा पदक घॆय्ला. समाजसेवॆंतु आसक्त आश्चॆ हान्नि स पंत रक्तदान कॆल्या. राष्ट्रीय युव योजनॆ, राष्ट्रीय सेवा योजनॆचॆ स्वयंसेवक जाव्नु धारवाड विश्वविद्यालयांत्लॆन राष्ट्रस्तराचॆ नायकत्व शिबिरांतु भाग घेव्नु, चांग स्वयंसेवक प्रशस्ति पावोनु घॆत्ला. कॊंकणि साहित्याक संबंधित सरस्वति प्रभा आनिक कॊडियाल खबर पत्रिकॆंक खबरि, बरोपि जाव्नु सेवॆ कॆल्ला. करावळि मुंजावु, कन्नड जनांतरंग दिनपत्रिकॆक उप संपादक जाव्नु सेवॆ कॆल्ला. आत्त दोन वर्ष धोर्नु बिजापुराचॆ संत जोसेफ् आंग्लमाध्यम प्रौढशालॆचॊ संस्कृत अध्यापक जाव्नु अरविंद श्यानभाग कार्यनिर्वहण कर्ता आस्सा. कॊंकणि अकाडॆमिचॆ पदविपूर्व शिक्षण स्तराचॆ पठ्यपुस्तक निर्माण कर्चॆ समितिचॊ सदस्य जाव्नु हान्नि काम कॆल्या. मंगळूराचॆ सिंचन सेवा संस्थॆचॊ सदस्य जावनु हान्नि आम्चिंगॆलॆ  म्हण्चॆ कॊंकणि शब्धकोश डा. देवदास पै, डा. जयवंत नायक हांगॆलॆ सांगत मेळ्नु कॆल्या. राज्य स्तराचॆ प्रतिभा कारंजिंतु कॊंकणि विषयाचॆ भाषण स्पर्धॆक निर्णायक जाव्नु काम कॆल्ला. बिजापुर आकाशवाणिंतु हांगॆलॆ चिंतन प्रसार जाल्या. हंपि विश्वविद्यालयाचॆ विज्ञान संगाति मासिकाक आत्ताचॆ चार वष धोर्नु प्रसारांगाचॆ लेखक जाव्नु सेवॆ घडैला. राज्याचॆ प्रमुख पत्रिकॆ जाव्नाश्चॆ कर्मवीर, कस्तूरि, तरंग, सुधांतु हांगॆलॆ लेखन प्रकट जाल्या. काळिदास महाकविलॆ मेघदूत काव्य कॊंकणि हाडिलॆ श्रेय हांका मॆळता. प्रस्तुत हांका उत्तरकन्नड आनि उत्तरकर्नाटक भागांतु कॊंकणिचॆ प्रसार अधिक कॊरचाक अवकाश दिल्या. *