कोर्लकट्टाचॆ वि.जि. तेलंग आनि नांति
कॊर्लकट्टॆ म्हण्चॆ शिर्शिलाग्गि आस्सुचॆ एक खेडि गांव. त्या गांवाक राज्यमट्टांतु प्रसिद्धि यव्च तश्शि कॆलेलॆ एकळि सेवा जीवि श्री वॆंकटराय गणेशराय तेलंग. तांका लोक ‘रायण्ण म्हॊणू आपैताश्शिलॆ. श्री वि.जि.तेलंग तान्नि बि.ऎस्सि. जाल्ल नंतर चांग नौकरि मॆळ्चॆसर्व आवकाश आस्लेरिचि नौक्रि मागशि पणाशि बाप्सुलॆ वरि आपणालॆ गांवाक यव्नु गॆद्दॆक दॆंवलिंति. वंशपारंपर्य जाव्नु आय्यिलॆ खेति पद्दति साक्षात्कार कोर्नु घेव्नु काल कालाक आय्यिलॆ वैज्ञानिक पद्दति वापोर्नु चांग प्रतिफल घॆव्चॆ ऒट्टू विंगड लोकांक वरेक त्या शिक्कॊनु दीव्नु प्रगतिपर कृषिक म्हॊणु नांव घॆत्लिंति. खेतिदारानि खेति मात्र कॆलयारि उदर्गति पावचाक जाय्ना म्हॊणु ‘गाय-गॊरवांक पॊश्शाक(हैनुगारिका) सुरुवात कॆल्लॆ. आनि स्वतः डैरि आरंभ कोर्नु प्रयोगशील जाव्नु तांतु थांयि यशस्वि जाल्लिंति. आनि तांगॆलॆ प्रयत्नान ‘कॊर्लकट्टॆ दूद शिर्शिचॆ आजु-बाजुचॆ घर-घरांतु नांव पाव्लॆ. त्या कालांतु दूद्दा डैरि चलैचॆ सुलभाचॆ काम जाव्नु नाश्शिलॆ. जाल्यारिचि वि.जि. तेलंग माम्मालॆ वैज्ञानिक मनोभावन, इन्नोवेटिव् स्पिरिट् तांगॆलॆ यशाक कारण जाल्लॆ.
रायण्ण खालि कृषिक मात्र जाव्नु नांव पाव्विलॆ न्हंयि, सहकार क्षेत्रा बित्तरि रिग्गूनु थंयि वरेक यश पाव्लिंति. तांगॆलॆ बापयि गणेशरायांगॆलॆ कालांतु सुरुवात जालेलॆ कॊर्लकट्टा व्यवसाय सेवा सहकारि संघ ता. ११-५-१९५५ क रिजिस्ट्रि जाल्लॆ. थंय्चान १९६५ पर्यंत वि.जि.तेलंग ताज्जॆ कार्यदर्शि जाव्नु आश्शिलॆ.मागिरि १९६६ दाकूनु १९७५ पर्यंत ताज्ज अध्यक्ष जाव्नू तान्नि त्या संघ उदर्गति पावचाक मस्त देणिगा पावय्ल्या. तान्नि सहकारि संघाचॆ कार्यदर्शि जालेल तॆद्दना तांका खालि २२ वर्ष प्रायु खंयि! मुखारि १९८५ दाकूनु १९९० पर्यंत शिरसि ऎ.पि.ऎम्.सि.(कृषि उत्पन्न मारुकट्टॆ समिति)चॆ अध्यक्ष जाव्नू हान्नि पावयिलॆ बरपूर सेवा आजियि लोक यादु कोर्नु घॆत्ता आस्सति. प्रशस्ति, पुरस्कार माकशि हान्नि कॆदनांयि घॆलेलि न्हंयि, जाल्यारिचि हांका सॊद्दुनु सबार प्रशस्ति आय्यिलॆ पट्टिक न्हंहि. सामाजिक कळकळि, सरळ सज्जनिकॆचॆ क्रियाशील मनुष्यु श्री वि.जि.तेलंग तान्नि आपणांगॆलॆ ८२ वर्ष वयांतु ता. २२-११-२०१३क दैवाधीन जाल्लॆ.आनि एक रैत बांधव, सहकार धुरीण, कृषि ऋषि, कर्मयोगि अस्तंगत जाल्लॆ. मॆल्ल मागिरि वरेक जीवंत उर्चॆ खात्तिरि आपणांगॆलॆ दोळॆ (नेत्र) दान कॆल्लॆलॆ हांगॆलॆ उदारतॆक आन्नेक उदाहरण म्हण्येत. ऒट्टारॆ हान्नि इतरांक आदर्श प्राय जाव्नु आश्शिलॆ. परमात्मु हांगॆलॆ आत्माक चिरशांति दीवॊ म्हॊणु प्रार्थनकॊर्या.
श्री मूड्लगिरि कॆ. नायक्, नाडा
कुंदापुर ता॥चॆ नाडा गुड्डॆअंगडिचॆ श्री मूड्लगिरि कॆ. नायक् हान्नि आपणांगॆलॆ ७६ वर्ष वयांतु ता. १३-२-२०१४ दिवसु दैवाधीन जाल्लिंति म्हॊणु कळोवचाक मस्त दुःख जात्ता. नाडगुड्डॆ अंग्डिंतु नामांकित व्यापारि, उद्यमि जालेलॆ तान्नि समाज सेवा, देवालॆ, स्माम्यांगॆलॆ सेवॆंतु मस्त योगदान दिल्लया. मातृ भाषॆ कॊंकणि वय्रि विशेष अभिमान आस्सुचॆ तान्नि घॆलेलॆ सबार वर्षाचान ‘सरस्वति प्रभाचॆ सदस्य जाव्चॆ बरसि प्रति वर्ष दीपावळि संचिकॆक जाहीरातु दीव्नु आम्का प्रोत्साह दित्ता आय्लिंति. हांगॆलॆ आत्माक चिरशांति मॆळ्चॆ खात्तिरि एक शृद्धांजलि कार्यक्रम आनि वैकुंठ समाराधन ता. २६-२-२०१४ दिवसु नाडगुड्डॆ अंग्डिचॆ श्री रामकृपा समुदाय भवनांतु चल्लॆ. हे संदर्भारि व्हड अंकड्यारि आय्यिलॆ समाज बांधव, तांगॆलॆ बंधु-मित्र दि॥ नायक् माम्मालॆ गुणगान कॆल्लिंति. सरस्वति प्रभा हे मूखांतर हांका शृद्धांजलि अर्पण कोर्नु, दि॥ नायक् माम्मालॆ आत्माक चिरशांति मॆळॊ म्हॊणु देवालाग्गि प्रार्थन कर्ता.
श्रीमति पद्माबायि पैकोटि, हुब्बळ्ळि
हुब्ळिचॆ प्रसिद्ध वकील आनि तॆरिगॆ सलहगार श्री कॆ.ऎम्.पैकोटि हांगॆलि आवयि श्रीमति पद्माबायि पैकोटि हान्नि आपणांगॆलॆ ९७ वर्ष वयांतु ता. ७-२-२०१४ दिवसु दैवाधीन जाल्लिंति म्हॊणु कळोवचाक विषाध जात्ता आस्स. तांगॆलॆ आत्माक चिरशांति मॆळ्चॆ खात्तिरि ‘वैकुंठ समाराधना ता. १९-२-२०१४ दिवसु हुब्बळ्ळिचॆ सरस्वति सदनांतु आयोजन कॆलेलॆ. श्रीमति पद्मा पैकोटि हांगॆलॆ आत्माक चिरशांति मॆळॊ म्हॊणु सरस्वति प्रभाचॆ आशय.
ब्रह्मोपदेश
चि॥ आदित्य (श्रीमति धनलक्ष्मी नायक आनि श्री विनायक नायक, पुत्तूरु हांगॆलॊ पूतु) हाक्का ता. ९-२-१४ दिवसुश्री महामाया सेवा सदन पुत्तूरु हांगा विजृंभणेरि मूंजि चल्लॆ. ताक्का देवु बरॆं कॊरॊं.
वरदि : वेणूरु वॆंकटरमण कामत.
बॆळगाविंतु अ.भा.कॊ.प.चॆ २९ अधिवेशन
‘ऐतिहासिक महत्व आस्सुचॆ कॊंकणि भास एक जात्यातीत भास जाव्नु प्रकट जाल्लया. म्होणु कर्नाटक सर्कारचॆ उन्नत शिक्षण सचिव आर्.वि.देशपांडॆनिं सांग्लॆ. तान्नि बॆळगांविंतु फॆब्रवरि २८ ताकूनु मार्च् २ पर्यंत चलीलॆ अखिल भारतीय कॊंकणि परिषत्ताचॆ २९ने अधिवेशन उद्घाटन कोर्नु उलैताश्शिलॆ. ‘हिंदू, ब्राह्मण, जैन, मुसल्मान, क्रिश्चियन्न समेत सर्व स्थराचॆ, धर्माचॆ लोक कॊंकणि भाषॆ उलयताति. त्या कारणान कॊंकणि भाषॆ जात्यातीत भाषॆ जाव्नु प्रकट जाल्लया म्हॊणु तान्नि सांग्लॆ. ‘कर्नाटक, महाराष्ट्र, गोंय, केरळ राज्यांतु मात्र कॊंकणि भाषिक नांति. बदलाक सगळे जगाचॆ सर्व बगलेन कॊंकणि भाषिक आस्सति. कॊंकणि भाषॆ राष्ट्रमट्टारि मान्यता घॆत्ल्या. कॊंकणि साहित्य तश्शीचि संस्कृति गट्टूळ जावचाक साहिति, बरोपि, कवि तश्शीचि कलाविद लोकानि दिलेलॆ देणिगा अनन्य, आनि अविस्मरणीय’ म्हॊणु तान्नि सांगलॆ.
‘कॊंकणि भाषॆचॆ अभिवृद्धिक कर्नाटक राज्य सर्कारानि सबार काम कॆल्ल्या, कॊंकणि साहित्य अकाडॆमि स्थापन कॆलेलॆ, करावळिंतु ६ दाकूनु १० क्लासाचॆ चॆर्डुवांक कॊंकणि भाषॆ तृतीय ऐच्चिक भास जाव्नु घॆवचाक अन्कूल कोर्नु दिल्लया. कॊंकणि साहित्य चटुवटिका चड जाव्का म्हण्च खात्तिरि अखिल भारतीय कॊंकणि परिषत्ताक ५ कोटि अनुदान दिल्लया. म्हॊणु सांगूनु मुखावैलॆ दिवसांतु भाषाभिवृद्धिक च्हड मद्दत् दिव्चॆ भर्वस तान्नि दिल्लि.
अखिल भारतीय कॊंकणि परिषत् गौरवाध्यक्ष बि.ऎ. कुटिनो तान्नि उलोव्नु “१९३९ंतु कारवारांतु अखिल भारतीय कॊंकणि परिषत् जन्मिलॆ, ७५ वर्ष पूर्ति कोर्नु अमृत महोत्सव आचरण कोर्नु घॆत्ता आस्स. कॊंकणि भास, साहित्य तश्शीचि संस्कृतिचॆ पर्मोळु सर्व कडेन पसरूचाक अविरत प्रयत्न कर्ता आस्स. म्हळ्ळिंति. अखिल भारतीय कॊंकणि परिषत् अध्यक्ष वि.वि.शॆणै, फॆमेंटॊ रिसोर्स् ग्रूप्चॆ अध्यक्ष अवधूत टिंब्लो, अरविंद.पि, गोकुलदास प्रभु, विनायक कामत्, मुकुंद कामत, सुनीता काणेकर आदि गण्य हे संदर्भारि उपस्थित आश्शिलॆ. आनि हेंचि वेदिकेरि कॊंकणि भास आनि साहित्याक सेवा पावयिलॆ गण्यांक सत्कारूयि चल्लॆ. मागिरि कॊंकणिंतु सांस्कृतिक कार्यावळि चल्लॆ. हॆर्दीसु सक्काणिक पय्लॆ परिसंवादु ‘कॊंकणिक मॆळील्लॆ संविधानात्मक हक्क आनि तांचॊ वापर म्हण्चॆ विषयाचेरि आसलेरि, मागिरि ‘कॊंकणि आनि सामाजिक माध्यम म्हण्चॆ विषयाचेरि भासा भास चल्लॆ. कन्नड, मराठि आनि कॊंकणि तज्ञानि ‘भोव भाषिक गोष्ठिंतु वांटॊ घॆत्लिंति. जवण जाल्ल उपरांत पयलॆ कविगोष्ठि चल्लॆ. सांज्वाळाचॆ परिसंवादांतु ‘कॊंकणि शिक्षण आनि दशा म्हण्चॆ विषयाचेरि चल्लॆ. श्री पुंडलीक नायक् हांगॆलॆ अध्यक्षतेरि ‘ओपन् फारम् चल्नू सांस्कृतिक कार्यावळि बरशि दुस्रे दिवसाचॆ कार्यक्रम संप्लॆ. तीस्रे दिवसाचॆ कार्यक्रमांतु पय्लेक ‘कॊंकणि आनि लागीच्यो भासॊ - संघर्ष आनि समन्वय म्हण्चॆ विषयाचेरि भासा भास चॆल्लॆ. मागिरि दुस्रे कविगोष्ठि चल्लॆ. उपरांत चलेलॆ समारोप समारंभांतु श्री प्रभाकर कोरॆ, मीना चंदावर्कर तान्नि उलैलिंति. अध्यक्षता श्री गोकुलदास प्रभु तान्नि घॆत्तिलॆ. श्री मुकुंद कामत् तान्नि आभार मानलॆ. * - अप्पुराय पै
कॊर्लकट्टॆ म्हण्चॆ शिर्शिलाग्गि आस्सुचॆ एक खेडि गांव. त्या गांवाक राज्यमट्टांतु प्रसिद्धि यव्च तश्शि कॆलेलॆ एकळि सेवा जीवि श्री वॆंकटराय गणेशराय तेलंग. तांका लोक ‘रायण्ण म्हॊणू आपैताश्शिलॆ. श्री वि.जि.तेलंग तान्नि बि.ऎस्सि. जाल्ल नंतर चांग नौकरि मॆळ्चॆसर्व आवकाश आस्लेरिचि नौक्रि मागशि पणाशि बाप्सुलॆ वरि आपणालॆ गांवाक यव्नु गॆद्दॆक दॆंवलिंति. वंशपारंपर्य जाव्नु आय्यिलॆ खेति पद्दति साक्षात्कार कोर्नु घेव्नु काल कालाक आय्यिलॆ वैज्ञानिक पद्दति वापोर्नु चांग प्रतिफल घॆव्चॆ ऒट्टू विंगड लोकांक वरेक त्या शिक्कॊनु दीव्नु प्रगतिपर कृषिक म्हॊणु नांव घॆत्लिंति. खेतिदारानि खेति मात्र कॆलयारि उदर्गति पावचाक जाय्ना म्हॊणु ‘गाय-गॊरवांक पॊश्शाक(हैनुगारिका) सुरुवात कॆल्लॆ. आनि स्वतः डैरि आरंभ कोर्नु प्रयोगशील जाव्नु तांतु थांयि यशस्वि जाल्लिंति. आनि तांगॆलॆ प्रयत्नान ‘कॊर्लकट्टॆ दूद शिर्शिचॆ आजु-बाजुचॆ घर-घरांतु नांव पाव्लॆ. त्या कालांतु दूद्दा डैरि चलैचॆ सुलभाचॆ काम जाव्नु नाश्शिलॆ. जाल्यारिचि वि.जि. तेलंग माम्मालॆ वैज्ञानिक मनोभावन, इन्नोवेटिव् स्पिरिट् तांगॆलॆ यशाक कारण जाल्लॆ.
रायण्ण खालि कृषिक मात्र जाव्नु नांव पाव्विलॆ न्हंयि, सहकार क्षेत्रा बित्तरि रिग्गूनु थंयि वरेक यश पाव्लिंति. तांगॆलॆ बापयि गणेशरायांगॆलॆ कालांतु सुरुवात जालेलॆ कॊर्लकट्टा व्यवसाय सेवा सहकारि संघ ता. ११-५-१९५५ क रिजिस्ट्रि जाल्लॆ. थंय्चान १९६५ पर्यंत वि.जि.तेलंग ताज्जॆ कार्यदर्शि जाव्नु आश्शिलॆ.मागिरि १९६६ दाकूनु १९७५ पर्यंत ताज्ज अध्यक्ष जाव्नू तान्नि त्या संघ उदर्गति पावचाक मस्त देणिगा पावय्ल्या. तान्नि सहकारि संघाचॆ कार्यदर्शि जालेल तॆद्दना तांका खालि २२ वर्ष प्रायु खंयि! मुखारि १९८५ दाकूनु १९९० पर्यंत शिरसि ऎ.पि.ऎम्.सि.(कृषि उत्पन्न मारुकट्टॆ समिति)चॆ अध्यक्ष जाव्नू हान्नि पावयिलॆ बरपूर सेवा आजियि लोक यादु कोर्नु घॆत्ता आस्सति. प्रशस्ति, पुरस्कार माकशि हान्नि कॆदनांयि घॆलेलि न्हंयि, जाल्यारिचि हांका सॊद्दुनु सबार प्रशस्ति आय्यिलॆ पट्टिक न्हंहि. सामाजिक कळकळि, सरळ सज्जनिकॆचॆ क्रियाशील मनुष्यु श्री वि.जि.तेलंग तान्नि आपणांगॆलॆ ८२ वर्ष वयांतु ता. २२-११-२०१३क दैवाधीन जाल्लॆ.आनि एक रैत बांधव, सहकार धुरीण, कृषि ऋषि, कर्मयोगि अस्तंगत जाल्लॆ. मॆल्ल मागिरि वरेक जीवंत उर्चॆ खात्तिरि आपणांगॆलॆ दोळॆ (नेत्र) दान कॆल्लॆलॆ हांगॆलॆ उदारतॆक आन्नेक उदाहरण म्हण्येत. ऒट्टारॆ हान्नि इतरांक आदर्श प्राय जाव्नु आश्शिलॆ. परमात्मु हांगॆलॆ आत्माक चिरशांति दीवॊ म्हॊणु प्रार्थनकॊर्या.
श्री मूड्लगिरि कॆ. नायक्, नाडा
कुंदापुर ता॥चॆ नाडा गुड्डॆअंगडिचॆ श्री मूड्लगिरि कॆ. नायक् हान्नि आपणांगॆलॆ ७६ वर्ष वयांतु ता. १३-२-२०१४ दिवसु दैवाधीन जाल्लिंति म्हॊणु कळोवचाक मस्त दुःख जात्ता. नाडगुड्डॆ अंग्डिंतु नामांकित व्यापारि, उद्यमि जालेलॆ तान्नि समाज सेवा, देवालॆ, स्माम्यांगॆलॆ सेवॆंतु मस्त योगदान दिल्लया. मातृ भाषॆ कॊंकणि वय्रि विशेष अभिमान आस्सुचॆ तान्नि घॆलेलॆ सबार वर्षाचान ‘सरस्वति प्रभाचॆ सदस्य जाव्चॆ बरसि प्रति वर्ष दीपावळि संचिकॆक जाहीरातु दीव्नु आम्का प्रोत्साह दित्ता आय्लिंति. हांगॆलॆ आत्माक चिरशांति मॆळ्चॆ खात्तिरि एक शृद्धांजलि कार्यक्रम आनि वैकुंठ समाराधन ता. २६-२-२०१४ दिवसु नाडगुड्डॆ अंग्डिचॆ श्री रामकृपा समुदाय भवनांतु चल्लॆ. हे संदर्भारि व्हड अंकड्यारि आय्यिलॆ समाज बांधव, तांगॆलॆ बंधु-मित्र दि॥ नायक् माम्मालॆ गुणगान कॆल्लिंति. सरस्वति प्रभा हे मूखांतर हांका शृद्धांजलि अर्पण कोर्नु, दि॥ नायक् माम्मालॆ आत्माक चिरशांति मॆळॊ म्हॊणु देवालाग्गि प्रार्थन कर्ता.
श्रीमति पद्माबायि पैकोटि, हुब्बळ्ळि
हुब्ळिचॆ प्रसिद्ध वकील आनि तॆरिगॆ सलहगार श्री कॆ.ऎम्.पैकोटि हांगॆलि आवयि श्रीमति पद्माबायि पैकोटि हान्नि आपणांगॆलॆ ९७ वर्ष वयांतु ता. ७-२-२०१४ दिवसु दैवाधीन जाल्लिंति म्हॊणु कळोवचाक विषाध जात्ता आस्स. तांगॆलॆ आत्माक चिरशांति मॆळ्चॆ खात्तिरि ‘वैकुंठ समाराधना ता. १९-२-२०१४ दिवसु हुब्बळ्ळिचॆ सरस्वति सदनांतु आयोजन कॆलेलॆ. श्रीमति पद्मा पैकोटि हांगॆलॆ आत्माक चिरशांति मॆळॊ म्हॊणु सरस्वति प्रभाचॆ आशय.
ब्रह्मोपदेश
चि॥ आदित्य (श्रीमति धनलक्ष्मी नायक आनि श्री विनायक नायक, पुत्तूरु हांगॆलॊ पूतु) हाक्का ता. ९-२-१४ दिवसुश्री महामाया सेवा सदन पुत्तूरु हांगा विजृंभणेरि मूंजि चल्लॆ. ताक्का देवु बरॆं कॊरॊं.
वरदि : वेणूरु वॆंकटरमण कामत.
बॆळगाविंतु अ.भा.कॊ.प.चॆ २९ अधिवेशन
‘ऐतिहासिक महत्व आस्सुचॆ कॊंकणि भास एक जात्यातीत भास जाव्नु प्रकट जाल्लया. म्होणु कर्नाटक सर्कारचॆ उन्नत शिक्षण सचिव आर्.वि.देशपांडॆनिं सांग्लॆ. तान्नि बॆळगांविंतु फॆब्रवरि २८ ताकूनु मार्च् २ पर्यंत चलीलॆ अखिल भारतीय कॊंकणि परिषत्ताचॆ २९ने अधिवेशन उद्घाटन कोर्नु उलैताश्शिलॆ. ‘हिंदू, ब्राह्मण, जैन, मुसल्मान, क्रिश्चियन्न समेत सर्व स्थराचॆ, धर्माचॆ लोक कॊंकणि भाषॆ उलयताति. त्या कारणान कॊंकणि भाषॆ जात्यातीत भाषॆ जाव्नु प्रकट जाल्लया म्हॊणु तान्नि सांग्लॆ. ‘कर्नाटक, महाराष्ट्र, गोंय, केरळ राज्यांतु मात्र कॊंकणि भाषिक नांति. बदलाक सगळे जगाचॆ सर्व बगलेन कॊंकणि भाषिक आस्सति. कॊंकणि भाषॆ राष्ट्रमट्टारि मान्यता घॆत्ल्या. कॊंकणि साहित्य तश्शीचि संस्कृति गट्टूळ जावचाक साहिति, बरोपि, कवि तश्शीचि कलाविद लोकानि दिलेलॆ देणिगा अनन्य, आनि अविस्मरणीय’ म्हॊणु तान्नि सांगलॆ.
‘कॊंकणि भाषॆचॆ अभिवृद्धिक कर्नाटक राज्य सर्कारानि सबार काम कॆल्ल्या, कॊंकणि साहित्य अकाडॆमि स्थापन कॆलेलॆ, करावळिंतु ६ दाकूनु १० क्लासाचॆ चॆर्डुवांक कॊंकणि भाषॆ तृतीय ऐच्चिक भास जाव्नु घॆवचाक अन्कूल कोर्नु दिल्लया. कॊंकणि साहित्य चटुवटिका चड जाव्का म्हण्च खात्तिरि अखिल भारतीय कॊंकणि परिषत्ताक ५ कोटि अनुदान दिल्लया. म्हॊणु सांगूनु मुखावैलॆ दिवसांतु भाषाभिवृद्धिक च्हड मद्दत् दिव्चॆ भर्वस तान्नि दिल्लि.
अखिल भारतीय कॊंकणि परिषत् गौरवाध्यक्ष बि.ऎ. कुटिनो तान्नि उलोव्नु “१९३९ंतु कारवारांतु अखिल भारतीय कॊंकणि परिषत् जन्मिलॆ, ७५ वर्ष पूर्ति कोर्नु अमृत महोत्सव आचरण कोर्नु घॆत्ता आस्स. कॊंकणि भास, साहित्य तश्शीचि संस्कृतिचॆ पर्मोळु सर्व कडेन पसरूचाक अविरत प्रयत्न कर्ता आस्स. म्हळ्ळिंति. अखिल भारतीय कॊंकणि परिषत् अध्यक्ष वि.वि.शॆणै, फॆमेंटॊ रिसोर्स् ग्रूप्चॆ अध्यक्ष अवधूत टिंब्लो, अरविंद.पि, गोकुलदास प्रभु, विनायक कामत्, मुकुंद कामत, सुनीता काणेकर आदि गण्य हे संदर्भारि उपस्थित आश्शिलॆ. आनि हेंचि वेदिकेरि कॊंकणि भास आनि साहित्याक सेवा पावयिलॆ गण्यांक सत्कारूयि चल्लॆ. मागिरि कॊंकणिंतु सांस्कृतिक कार्यावळि चल्लॆ. हॆर्दीसु सक्काणिक पय्लॆ परिसंवादु ‘कॊंकणिक मॆळील्लॆ संविधानात्मक हक्क आनि तांचॊ वापर म्हण्चॆ विषयाचेरि आसलेरि, मागिरि ‘कॊंकणि आनि सामाजिक माध्यम म्हण्चॆ विषयाचेरि भासा भास चल्लॆ. कन्नड, मराठि आनि कॊंकणि तज्ञानि ‘भोव भाषिक गोष्ठिंतु वांटॊ घॆत्लिंति. जवण जाल्ल उपरांत पयलॆ कविगोष्ठि चल्लॆ. सांज्वाळाचॆ परिसंवादांतु ‘कॊंकणि शिक्षण आनि दशा म्हण्चॆ विषयाचेरि चल्लॆ. श्री पुंडलीक नायक् हांगॆलॆ अध्यक्षतेरि ‘ओपन् फारम् चल्नू सांस्कृतिक कार्यावळि बरशि दुस्रे दिवसाचॆ कार्यक्रम संप्लॆ. तीस्रे दिवसाचॆ कार्यक्रमांतु पय्लेक ‘कॊंकणि आनि लागीच्यो भासॊ - संघर्ष आनि समन्वय म्हण्चॆ विषयाचेरि भासा भास चॆल्लॆ. मागिरि दुस्रे कविगोष्ठि चल्लॆ. उपरांत चलेलॆ समारोप समारंभांतु श्री प्रभाकर कोरॆ, मीना चंदावर्कर तान्नि उलैलिंति. अध्यक्षता श्री गोकुलदास प्रभु तान्नि घॆत्तिलॆ. श्री मुकुंद कामत् तान्नि आभार मानलॆ. * - अप्पुराय पै
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ