अकाडॆमि तरपेन कॊंकणि स्त्री
कर्नाटक कॊंकणि साहित्य अकाडॆमि तरपेन ता. २९-९-२०१२ दिवसु कॊंकणि स्त्री कार्यक्रम आयोजन कॆलीलॆ. समारंभाचॆ उद्घाटन बॆंगळूरु दूरदर्शनाचॆ कार्यक्रम निर्वाहकि उषाकिणि तान्नि कॆल्लि. तान्नि उलैता “बॆंगळूरु दूरदर्शन तरपेन हप्तॆक दोन्वॆळ कॊंकणि कार्यक्रम दिवचॆ प्रस्ताप मुखार दवरीलॆ आस्सुनु, आम्मि चांग कार्यक्रम दिवचाक तयारि कॊरका. म्हळ्ळिंति. “कॊंकणि भाषिक लोकानि भाषॆचॆ श्रेयस्सा खात्तिरि वाव्रॊ काड्का. आत्म, रक्तांतु कॊंकणि भाषा प्रेम पुट्का. म्हॊणु आकाशवाणिचॆ माजि निलय निर्देशकि जयश्री शानुभाग् तान्नि सांगलॆ. अकाडॆमि अध्यक्ष कासरगोडु चिन्ना तान्नि अध्यक्षता घॆत्तिलॆ.“आवयि पाळ गट्टि, तश्शीचि घरांतु आवयि गट्टुळ आसलेरि घर, देश गट्टि उर्ता. कॊंकणि भाषॆचॆ साहित्य, संस्कृति गट्टि जावचाक बाय्लमन्शॆलॆ वांटॊ अगत्य आस्स. म्हॊणु तान्नि सांगलॆ. जयश्री शान्भाग् आनि कॊंकणि भाषा साहिति ग्लाडिस् रेगॊ तांका हे संदभारि आत्मीय जाव्नु सन्मान कॆल्लि. सामाजिक कार्यकर्तॆ ज्यूडित् मस्करेनस् शुभाशंसनॆ कॆल्लिंति.साहित्य, सांस्कृतिक, क्रीडा आनि जानपद रंगांतु कॊंकणि बाय्लमन्शॆलॆ देणिगा म्हण्चॆ खात्तिरि डा। गीता शॆणै शकुंतळा आर् किणि, प्लोरिन् रोच्, क्याथरिन् रोड्रिगस् तान्नि विचार मंडन कॆल्लि. अकाडॆमि सदस्यॆ शीलानायक् तान्नि सुरवेक येव्कार कॆल्लि. भव्या पैनि आबार मानलॆ. श्रीमति स्मिता प्रभु तान्नि कार्यक्रमाचॆ निरूपण कॆल्लि. उपरांत श्रीमति जोय्स् ऒझारियॊ तश्शीचि श्रीमति विद्या गुल्वाडि तांगॆलॆ संगीत कार्यक्रम चल्लॆ. कार्यक्रमांतु वांटॊ घॆत्तिलॆ सर्व बाय्लमन्शॆंक स्मरणिकॆ दीवु गौरव दाखैलॆ.
ऎन्. ऎम्. सरस्वति बायि साहित्य पुरस्कार - २०११ अर्जि आह्वान
कॊंकणि भाषा प्रचार सभा, कोचिन् हान्नि बाय्लमन्शॆ बरोपिन देवनागरि लिपिंतु बरॆयिलॆ कॊंकणि पुस्तकाक दिवचॆ ‘‘ऎन्. ऎम. सरस्वति बायि साहित्य पुरस्काराक- २०११क अर्ज्यॊ आह्वान कॆल्या. हे राष्ट्र मट्टाचॆ प्रशस्ति जाव्नास्स आनि प्रशस्ति विजेत कृतिंक २५,०००/- रूपय नग्दि आनि स्मरणिक पावित जात्ता. अनुवाद कृतीक अवकाश ना. दिनांक १-१-२००६ दाकूनु ३१-१२-२०१० भित्तरि प्रकट जालेलॆ प्रकटित कृतीचॆ चार प्रति कार्यदर्शि, कॊंकणि भाषा प्रचार सभा, कॊंकणि भाषा भवन, प्यालेस् रस्तो, कॊचिन् -६८२००२ हांगाक ३१-१०-२०१२ भित्तरि पावचॆ वरि पॆटोव्नु दिवका म्हॊणु माहिति आस्स. चड्तॆ खंचॆ माहिति जाव्का जालेल्यान पोन् : ०४८४-२२२७४७९ हांगा ताकूनु घॆव्येत.श्री ऎं. रमेश कृष्ण शेटांक सन्मानु
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ