श्रीमद् विद्याधिराज तीर्थ
स्वाम्यांलॆ चातुर्मास आरंभ

गोकर्ण पर्तगाळि जीवोत्तम  मठाधीश श्रीमद्   विद्याधिराज तीर्थ श्रीपाद वडेर स्वामॆं बॆळगांविचॆ  विद्याधिराज सभागृहांतु धार्मिक विधि विधान बरशि  ता. ८-०७-२०१२ दिवसु नंदन संवत्सरद चातुर्मास व्रत सुरुवात कॆल्लिंति. त्या दिवसु सक्काणि ८-०० गंट्याक प्रार्थना, ८-३०क प।पू। स्वाम्यानिं मृतिका पूजा कॊरचॆ बरशि चातुर्मास वृत विधि सुरुवात जाल्लि. मागिरि गणेश पूजा, पुण्याहवाचन, द्वादश कलशार्चन समेत विंगविंगड धार्मिक विधि चल्लॆ. धोंपारा १२ गंट्याक प।पू। स्वामॆं महापूजा कॆल्लिंति. मागिरि राज्य, परराज्य चान आय्यिलॆ अपार भक्तस्तोमाक महाप्रसाद चल्लॆ.
सांज्वाळा ५ गंट्याक प।पू।स्वामॆ व्यास पूजा कोर्नु हजारोभरि भक्तांगॆलॆ सम्मुखारि चातुर्मास्य वृत स्वीकार कॆल्लिंति. १९८५ंतु बॆळगावि शहापूर्‍चॆ मारुति मंदिरांतु स्वाम्यांगॆलॆ चातुर्मास हे पयलॆ घडिलॆ हांगा स्मरण कोर्नु घॆव्येत. अवुंदु चातुर्मासु बॆळगाविचॆ तांगेलॆ स्वंत शाखा मठांतु चल्ता आस्सुचॆ आन्नेक विशेष म्हण्येत. हे नंदन संवत्सरांतु भाद्रपद अधिक मास आय्यिलॆ निमित्तान चातुर्मासु तीनि म्हहिनॊ घडचॆ आस्सुनु सॆप्टंबर् ३०क संपन्न जात्ता. अवुंदूचॆ चातुर्मास्य वेळ्यारि २०१२चॆ सप्टंबर् १३ दाकूनु १५ पर्यंत श्री महाविष्णु याग संपन्न जावचॆ आस्सुनु, प्रतिनित्य त्रिकाल पूजॊ, सांस्कृतिक कार्यावळि, भिक्षा, पाद्यपूजा इत्यादि चॊलचॆ आस्सुनु चड्तॆ माहिति खात्तिरि मठाचॆ अनुयायि व भक्ताधीन  बॆळगाम् चातुमास समिति,  श्री विद्याधिराज सभाग्रह, रामनगर, बॆळगाम्-५९००१०, पोन् : ०८३१-२४७०८०८/ २४७०८०७ हांगाक संपर्क कॊरयेत. बॆळगांवि चातुर्मास्य समिति पदाधिकारि अश्शि आस्सति. श्री ऎस्.डि. शानभाU(अध्यक्ष), श्री कॆ.ऎन्. पै(कार्यकारि अध्यक्ष), श्री बि.पि. हॆगq आनि  श्री वि.ऎन्.पै(उपाध्यक्ष) श्री ऎस्.ऎ. नायक् आनि श्री ऎस्.डि. पै(कार्यदर्शि)