मॆगेलॆ उत्तर (15-12-2011)
हर्येक दिवसु संपताना फायि आन्नेक चांग दिवसु यत्ता म्हणचॆ भर्वस आस्ता. तश्शिचि प्रति एक वर्ष मरताना आन्नेक नवीन वर्ष जन्मुनु आस्ता. शिक्षण संप्लॆ म्हळ्यारि उद्योगाचॆ निरीक्षा आस्ता. अश्शि एक मुक्ताया माकशि आन्नेकाचॆ आरंभ निसर्ग नियमु. जाल्यारि तांतु चांग जांवॊ वाय्ट फल घॆवचांतु आमगेलॆ मॆहनत्त आस्ता. मॆहनत् म्हळ्यारि जागृति आनि श्रम. जागृति आनि वाव्रॊ करनाशि खंचॆंतु यश मेळ्ना. मॆळ्यारिचि त्या शाश्वत न्हंहि. बांदूनु दिलेलॆ बुत्ति, सांगूनु दिलेलॆ उत्रा म्हणकॆ! यवचॆ दिवसांतु आपणाक चांग जाव्का म्हॊणु आश्शिल्यान आयचॆ दिवसांतु प्रयत्न कॊरका. सर्व लोक न्हवं वर्षाचॆ शुभाशयु सांगताति. दीपावळि, संव्सारपाड्वॆक शुभेच्छॆ व्यक्त करताति. त्या तांगेलॆ व्हडपण. जाल्यारि तान्नि सांग्लॆ कूड्लॆ आमका चांग जात्ता म्हणचॆ वारॆं यव्नु रुक्काचान आंबॊ तुंटूनु आमगेलॆ खॊंचॆंतु यव्नु पळ्ळिलॆ वरि! तस्सालॆ अदृष्ट कित्लॆ जनांक आस्ता?
आम्मि आन्नॆक्लॆ खात्तिरि कॆदनांयि शुभेच्छॆ कॊरकाचीचि. ताज्जेन आमगेलॆ मनांतु द्वेश, जाळ इत्यादि कूस्सड भोर्नु राब्बना. आम्मि प्रति दिवसु नाव्नु च्हॊक जायन जालयारि आमगे लाग्गि घाणि यानावे? तश्शिचि आम्मि प्रति दिवसु आमगेलॆ मन च्हॊक कोर्नु घेना जाल्यारिचि मन कूस्सड जात्ता. आन्नॆक्ल्यांक चांग जांवॊ म्हॊणु इच्छा पावचॆ, अतियाशॆ पावनाशि आश्शिल्यांतु संतोष पावचॆ हे पूरा मनाचॆ च्हॊक पणाचॆ नमूनॊ.
मनुष्यालॆ मन म्हणचॆ विशाल आस्सूका. मन व्हड कोर्नु घॆव्का जाल्यारि भावनांयि विशाल जाव्नु आस्सुका. कित्लकि लोक आन्नेक्लि यश पाव्विलॆ तॆद्ना तांका प्रोत्साह दीनांति, करबीताति. तांगेलॆ अभिवृद्दि पळोवनु पॊट्टांतु जाळ भॊगताति. परत परत तांका आडबळ जाव्नु तांगॆलॆ अभिवृद्धिक मार घालताति. आन्नेल्ल्यालॆ अभिवृद्धिक आड जाव्नु आम्मि अभिवृद्धि पावचाक साध्य आस्सवे? खंडित ना. कितयाक म्हळ्यारि आम्मि वाडका जालेलॆ वेळु पूरा आम्मि आन्नेक्ल्यांक पाडोवचाक वापर्तामू! ताज्ज मध्यॆ घरा तापत्रय, उद्योग नौकरींतु यवचॆ किर्किरि, संबंधिका घर्कडॆ वच्चॆ, यव्चॆ, रोग-रुजिना इत्यादि सम कोर्नु घॆव्कामू! हे पूरा जाव्नु मागिरि आपणालॆ अभिवृद्धि पॊळोवनु घॆव्का. त्या खात्तिर आम्मि खंडित जाव्नु अभिवृद्दि पाव्का म्हॊणु आसलेरि विंगड लोकांक, तांगॆलॆ यश, अपयश दॊन्नी विसोरूनु निरंतर प्रयत्नशील जाव्नु आस्सूका. आन्नेक्ळॊ कित्लॊ व्हड जाल्यारिचि तो आमगेलॆ कष्टाक खंडित याना, दुर्बळॊ जाल्लॊ म्हॊणु समजूव्या आम्मि ताक्का कित्लॆ दिवचाक जात्ता? हे जागृति उडगासांतु दवरूनु घेव्नु आम्मि नवीन वर्ष स्वागत कॊरचाक तयार जावका. “न्यू इयर् प्रति वर्ष ऎत्ता; ताक्का आम्मि तयार आस्सॊति, नाशि उरॊंति! जालयारि आमगेलॆ अभिवृद्धि खात्तिरि हे वेळ्यारि योजन घाल्नु घॆवचांतु आमगेलॆ बुद्दॊंतिक आस्स.
सर्वांक देवु बरॆ कॊरॊं - आर्गोडु सुरेश शॆणै, संपादकु
हर्येक दिवसु संपताना फायि आन्नेक चांग दिवसु यत्ता म्हणचॆ भर्वस आस्ता. तश्शिचि प्रति एक वर्ष मरताना आन्नेक नवीन वर्ष जन्मुनु आस्ता. शिक्षण संप्लॆ म्हळ्यारि उद्योगाचॆ निरीक्षा आस्ता. अश्शि एक मुक्ताया माकशि आन्नेकाचॆ आरंभ निसर्ग नियमु. जाल्यारि तांतु चांग जांवॊ वाय्ट फल घॆवचांतु आमगेलॆ मॆहनत्त आस्ता. मॆहनत् म्हळ्यारि जागृति आनि श्रम. जागृति आनि वाव्रॊ करनाशि खंचॆंतु यश मेळ्ना. मॆळ्यारिचि त्या शाश्वत न्हंहि. बांदूनु दिलेलॆ बुत्ति, सांगूनु दिलेलॆ उत्रा म्हणकॆ! यवचॆ दिवसांतु आपणाक चांग जाव्का म्हॊणु आश्शिल्यान आयचॆ दिवसांतु प्रयत्न कॊरका. सर्व लोक न्हवं वर्षाचॆ शुभाशयु सांगताति. दीपावळि, संव्सारपाड्वॆक शुभेच्छॆ व्यक्त करताति. त्या तांगेलॆ व्हडपण. जाल्यारि तान्नि सांग्लॆ कूड्लॆ आमका चांग जात्ता म्हणचॆ वारॆं यव्नु रुक्काचान आंबॊ तुंटूनु आमगेलॆ खॊंचॆंतु यव्नु पळ्ळिलॆ वरि! तस्सालॆ अदृष्ट कित्लॆ जनांक आस्ता?
आम्मि आन्नॆक्लॆ खात्तिरि कॆदनांयि शुभेच्छॆ कॊरकाचीचि. ताज्जेन आमगेलॆ मनांतु द्वेश, जाळ इत्यादि कूस्सड भोर्नु राब्बना. आम्मि प्रति दिवसु नाव्नु च्हॊक जायन जालयारि आमगे लाग्गि घाणि यानावे? तश्शिचि आम्मि प्रति दिवसु आमगेलॆ मन च्हॊक कोर्नु घेना जाल्यारिचि मन कूस्सड जात्ता. आन्नॆक्ल्यांक चांग जांवॊ म्हॊणु इच्छा पावचॆ, अतियाशॆ पावनाशि आश्शिल्यांतु संतोष पावचॆ हे पूरा मनाचॆ च्हॊक पणाचॆ नमूनॊ.
मनुष्यालॆ मन म्हणचॆ विशाल आस्सूका. मन व्हड कोर्नु घॆव्का जाल्यारि भावनांयि विशाल जाव्नु आस्सुका. कित्लकि लोक आन्नेक्लि यश पाव्विलॆ तॆद्ना तांका प्रोत्साह दीनांति, करबीताति. तांगेलॆ अभिवृद्दि पळोवनु पॊट्टांतु जाळ भॊगताति. परत परत तांका आडबळ जाव्नु तांगॆलॆ अभिवृद्धिक मार घालताति. आन्नेल्ल्यालॆ अभिवृद्धिक आड जाव्नु आम्मि अभिवृद्धि पावचाक साध्य आस्सवे? खंडित ना. कितयाक म्हळ्यारि आम्मि वाडका जालेलॆ वेळु पूरा आम्मि आन्नेक्ल्यांक पाडोवचाक वापर्तामू! ताज्ज मध्यॆ घरा तापत्रय, उद्योग नौकरींतु यवचॆ किर्किरि, संबंधिका घर्कडॆ वच्चॆ, यव्चॆ, रोग-रुजिना इत्यादि सम कोर्नु घॆव्कामू! हे पूरा जाव्नु मागिरि आपणालॆ अभिवृद्धि पॊळोवनु घॆव्का. त्या खात्तिर आम्मि खंडित जाव्नु अभिवृद्दि पाव्का म्हॊणु आसलेरि विंगड लोकांक, तांगॆलॆ यश, अपयश दॊन्नी विसोरूनु निरंतर प्रयत्नशील जाव्नु आस्सूका. आन्नेक्ळॊ कित्लॊ व्हड जाल्यारिचि तो आमगेलॆ कष्टाक खंडित याना, दुर्बळॊ जाल्लॊ म्हॊणु समजूव्या आम्मि ताक्का कित्लॆ दिवचाक जात्ता? हे जागृति उडगासांतु दवरूनु घेव्नु आम्मि नवीन वर्ष स्वागत कॊरचाक तयार जावका. “न्यू इयर् प्रति वर्ष ऎत्ता; ताक्का आम्मि तयार आस्सॊति, नाशि उरॊंति! जालयारि आमगेलॆ अभिवृद्धि खात्तिरि हे वेळ्यारि योजन घाल्नु घॆवचांतु आमगेलॆ बुद्दॊंतिक आस्स.
सर्वांक देवु बरॆ कॊरॊं - आर्गोडु सुरेश शॆणै, संपादकु
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ