दि श्यामराव् विठ्ठल को-आप् ब्यांकाचॆ ११३चॆ शाखा धार्‍वाडांतु आरंभ

१९ं६क म्हळ्यारि १०५ वर्षा मागशि सूरु जाव्नु निरंतर जाव्नु इत्लॆ सुदीर्घ काळ ग्राहकांक सेवा पावय्ता आस्सूचॆ “दि श्यामराव् विठ्ठल को-आप् ब्यांकाचॆ  ११३चॆ शाखा ता. १५-११-२०११ दिवसु धार्‍वाडांतु कार्या रंभ कॆलेलॆ माहिति मॆळ्ळा. कर्नाटक, महाराष्ट्र समेत ७ राज्यांतु हे ब्यांकाचॆ शाखा आस्सूनु, रू. ११,००० कोटि पशि च्हड वहिवाट चलय्ता आस्सूचॆ दि श्यामराव् विठ्ठल को-आपरेटिव् ब्यांक् हिंदूस्तानाचॆ पयलॆ तीनि मुखेल सहकारि ब्यांकांतु एक  म्हॊणु गुर्‍तु कॆल्ला. अनेक ऐटि प्रशस्ति विजेत हे ब्यांक हुब्बळ्ळिंतु शाखाधिकारि श्री कृष्णा आर्. पै हांगॆलॆ समर्थ नायकत्वारि आल्ताचॆ सुमार वर्षाचान हांगाचॆ लोकांक चांग, बहुमुख सेवा पावय्ता आयला.
आत्त धार्‍वाडाचॆ लोकांक सेवा पावय्चाक  हांगाचॆ सि.बि.टि. लाग्गि आस्सूचॆ तेजा महलांतु शाखा काळ्ळा. ताज्ज उद्घाटन ता. १५-११-२०११ दिवसु उत्तर कर्नाटकाचॆ प्रख्यात उद्यमि, वि.आर्.ऎल्. लाजिस्टिक् लि. हाज्जॆ अध्यक्ष आनि आडळित निर्देशक तश्शिचि ऎं.ऎल्.सि. श्री विजय संकेश्वर हान्नि पण्ति पॆट्टोनु कॆल्लॆ. हे संदर्भारि दि. श्यामराव् विठ्ठल को‌आप् ब्यांकाचॆ सि.इ.ओ. श्री श्रीनिवास जोषि, वैस् चेरमॆन् श्री सुरेश हॆम्माडि, डि.जि.ऎम्. श्री सदानंद शिरालि, डि.ऎम्. श्री संदीप नाडकर्णि, शाखाधिकारि श्री सतीश कॊप्पकर, ब्यांकाचॆ हुब्बळ्ळि शाखाधिकारि श्री कृष्णा आर्. पै समेत हुब्बळ्ळि-धारवाड दॊन्नी ब्यांक् शाखॆचॆ  सर्व सिब्बंदि, शेर्‌होल्डर्‍स्, आनि आत्मीय ग्राहक उपस्थित आश्शिलॆं.
हे शाखॆंतु ब्यांक् व्यवहाराक संबंध पाव्विलॆ सर्व सेवा उपलब्ध आस्स. ताज्ज बर्शि‌ऎ.टि.ऎम्., लाकर, इंटर्‌नॆट् ब्यांकिंग् आदि सेवा प्राप्त आस्स म्हॊणु कोळ्नु आयिला.  कॊंकणि लोका ताकूनु स्थापित जालेलॆ हे ब्यांक इत्तुलॆ नामांकित जालेलॆ कॊंकणिगांक पूरा अभिमानाचॆ विषयु. हे ब्यांकाचॆ अभिवृद्धिक हुब्बळ्ळि-धार्‍वाडांतु आस्सुचॆ सर्व अभिमानि कॊंकणि बांधवानि सकालिक प्रोत्साहु दीव्नु हे ब्यांका निमित्त समाजाक आन्निकॆ च्हड नमून्याचॆ सेवा पावय्चॆ वरि जावो म्हॊणु “सरस्वति प्रभा आशा कर्ता. श्यामराव् विठ्ठल को‌आप् ब्यांकाचॆ धार्‍वाड शाखॆचॆ पत्तॊ ११ तेजा महल्, १५०/ऎ, मार्कॆट् पोर्ट्, रीगल् टाकीस् ऎद्राक, सि.बि.टि. लाग्गि धारवाड-५८०००१. पोन् : ०८३६-२४४७३७३.