श्री लक्ष्मीनारायण, रामनाथ, शांतेरि, कामाक्षि, बेताळ देवळ, भट्कळ
भट्कळाचॆ नॆहरू रस्त्यारि आस्सुचॆ श्री लक्ष्मीनारायण, रामनाथ, शांतेरि, कामाक्षि, बेताळ देवळाचॆ आडळित समितिचान श्री देवळचॆ कुळावि भक्त बांदवा खात्तिरि एक शोभायमान जालीलॆ ‘अतिथि गृह बांदचाक दृढ संकल्प कॆलीलॆ आस्सुनु, हे अतिथि गृह देवळाचॆ लाग्गि बांचॆ उद्देश दवरूनु घॆतल्या. हे अतिथि गृहांतु १४(चौदा) सुसज्जित वास्तव्य कॊर्‍चॆ कूड, पार्किंग् जागो, क्यांटीन्, सुसज्जित पाकशाळा इत्यादि सौलभ्य उपलब्ध कॊरचाक आडळित समितिचान ठरयला.
बांदकामाचॆ म्हॊल आकाशाक चेणाश्शिलॆ आयचॆ दिनमानांतु हे योजनेक सुमार ६० लाक् रूपयि लागचाक पुरॊ म्होणु अंदाज कॆलीलॆ आस्सुनु श्री शांतेरि कामाक्षि देवळाचॆ हे उत्कष्ट कार्याक कुळावि भक्त आनि समाज बांधवानि दाराळ मनानि सहकार दिवका म्हॊणु देवळाचॆ आडळित समितिचान सर्व भक्तवृंदांतु अपेक्षा दवरला. खंचेयि कुळावि भजकानि २.५० लाक् रूपयि दीव्नु अतिथि कूडाक तांगॆलॆ म्हाल्गड्यालॆ स्मरणार्थ नांव दवरूनु घॆव्येत. हे खालि १४ कूडाचॆ ‘अतिथि गृह जाव्नाश्शिलॆ निमित्त खालि १४ लोकांक मात्र अवकाश आस्सुनु पयलॆ आय्यिल्यांक पयलॆ अवकाश मॆळ्ता. त्या न्हंहिसि प्रति स्क्वेरफूटाक १,०००/- रूपया म्हणचॆ ६,०००(स हजार) स्क्वेरफूट  निर्माणाक सहकार दिवचाक विंगड लोकांक अवकाश आस्स. श्री देवळाचॆ समस्त कुळावि भजकानि आडळित समितिचान घाल्नु घॆत्तिलॆ हे महा योजना यशस्वि जावचाक दाराळ मनानि देणिगा दीव्नु कुलदेवालॆ कृपेक पात्र जावका म्हॊणु मागणि आस्स. हे खात्तिरि खंचे चड्तॆ माहिति जाव्का जालेल्यान पोन् नं. ०८३८५ २२२६७७, मॊबैल् : ९९०१६३७३७७ हांगाक संपर्कु कॊरयेत. ब्यांक् मूखांतर देणिगा पॆटोव्नु दिवचॆ कुळावि भक्त खात्तिरि भट्कळाचॆ कार्पोरेशन् ब्यांकांतु ऎस्.बि. आकौंट् (नं. ०१४६००१०१०१८३३७) काडिलॆ आस्सुनु कुळावि भजकानि हांगाकंयि दुड्डु पॆटोव्नु दिव्येत.