श्री लक्ष्मीनरसिंह भजना मंदिर, निड्डोडि
गौड सारस्वत समाज गोंयांतु चांग स्थितिंतु आश्शिल तॆद्दना, पोर्चुगीस लोकालॆ बलत्कार, दौर्जन्यान बेजार्नु स्वधर्माचरणॆ मुखारि व्हरलीलॆ सर्व गौण म्हॊणु समजूनु आपणांगॆलॆ स्थिर, चरास्ति पूरा त्याग कोर्नु, आपणान नंब्गिलॆ कुलदेवाक, आवयि भाषॆक घेव्नु करावळि कर्नाटकांतु यव्नु राब्लिंति. तांतुलॆ एक तंड कल्लमुंड्कूरु गांवाक यव्नु राब्बुनु १८ पीळिगा सरलिंति. तांगॆलॆ नित्याह्निक बरशि कृषि, वाणिज्य कोर्नु, रात्तिक देवा मुखारि दीवलि लाव्नु घेव्नु भजन कॊर्चॆ, चार लोकानि मॆळ्ळिल कडेन कार्तिक म्हहिन्यांतु भजना मंगलोत्सवु कोर्नु, सॊयरॆ, बंधु-मित्र बरशि मेळ्नु संभ्रम पाव्चॆ कर्ता आय्लिंति. हाक्कात्त २ शताब्धिचॆ इतिहास आस्स.
१९५९ इस्वॆंतु भजना मंगलोत्सव वेळ्यारि देवराय कामत्तांगॆलॆ अध्यक्षतेरि, वामन ऎन्. प्रभु कार्यदर्शि जाव्नु, वासुदेव कुड्व जॊतॆ कार्यदर्शि, दामोदर ऎन्. भट् खजांचि जाव्नु मूल्कि भास्कर ऎस्. भट् माम्मालॆ पौरोहित्यांतु हांगेक मंदिर निर्माण कोर्का म्हॊणु संकल्प कॆल्लि. श्री काशीमठाधीश श्रीमद् सुधींद्र तीर्थ स्वाम्यांगॆलॆ रायस घेव्नु वामन देवप्प कामत्तानि दान जाव्नु दिलीलॆ जागॆंतु भव्य मंदिर निर्माण जाल्लॆ. तिन्नी मठाचॆ स्वाम्या दाकूनु प्रतिष्ठापनांयि जाल्लॆ. तॆद्दोळथांयि श्री पांडुरंग विठल भजना मंडळ म्हॊणु आश्शिलॆ श्री लक्ष्मीनरसिंह भजना मंडळि म्हॊणु परत नामकरण कॆल्लॆ. थंयचान प॥पू॥ स्वाम्यांगॆलॆ आदेशा प्रमाणॆ प्रति शन्वारु चुकनाशि दा लोक मेळ्नु भजन म्हण्ता आय्लिंति. कार्तिक बहुळ पाड्य दिवसु प्रतिष्ठा वर्धंति, सत्यनारायण पूजा, संतर्पण, रात्तिक नगर भजना बाय्रसोर्नु १२चॆ दिवसाक धोंपारा समाराधन कॊरचॆ सुरुवात कॆल्लॆ. नृसिंह जयंति यव्चॆ वैशाख शुक्ल ‘१४ क सूर्य बुड्डिल दाकूनु परत ताणॆ उद्देच पर्यंत अहोरात्रि भजन करताति. सुत्ताफुन्नव, श्री कृष्ण जन्माष्टमि इत्यादि धार्मिक कार्यक्रम आचरण करताति. नवरात्रिंतु महिळा मंडळि तरपेन ९ दिवसु दुर्गा पूजा शृद्धाभक्तिन मस्त विजृंभणेरि आचरण करताति. मूंजि, व्हरडीक इत्यादि धार्मिक कार्य घडोवचाक मंदिरांतु अवकाश दित्ताति. विशेष वेळ्यारि कीर्तन, यक्षगान, संगीत कार्यक्रम, पुराण प्रवचन घडोनु घॆता आय्लिंति.
महाराष्ट्राचॆ नळकोपरांतु ‘भजनॆ माम म्हॊणु प्रख्यात जालीलॆ श्री जगन्नाथ शॆणै हान्नि सॊयर्यालॆ घर्कडॆ आय्यिल तॆद्दना कल्लमंड्कूराचॆ हे मंदिराक भॆट्टूनु २ म्हहिनो हांगाचॆ बांधवा ऒट्टु दूद-साक्रॆ वरि मेळ्नु मराठि अभंग म्हणचॆ नमूनॊ, राग, लय, अर्थु इत्यादि पूर्ति शिकोनु जिल्ल्याचॆ प्रमुख भजना मंदिराचॆ सालांतु निड्डोडिचॆ हे मंदिर मॆळ्च तश्शि कोर्नु कृतकृत्य जाल्लिंति. तान्नि शिवलीलामृत आनि श्रीनिवास कल्याण सप्त रूपारि चलोव्नु दीव्नु मंदिराक दैवी कळा यव्चॆवरि कॆल्लि.
श्री लक्ष्मी नरसिंह भजना मंदिराचॆ रजत महोत्सवु ता. ६-११-१९८७ दाकूनु १८-११-१९८७ पर्यंत श्री काशी मठाधीश श्रीमद् सुधींद्र तीर्थ स्वाम्यांगॆलॆ दिव्य उपस्थतीरि संपन्न जालीलॆ आस्स. प्रति वर्ष ३२ भजना मंडळि हांगाचॆ भजना सप्तांतु वांटॊ घॆत्ता आश्शिल वरि हान्नियि तित्लॆ कडेन वच्चुनु वांटो दीव्नु ऎत्ताति.
श्री लक्ष्मीनरसिंह भजना मंदिराचॆ ‘सुवर्ण महोत्सवु २९-११-१२ दाकूनु ११-१२-१२ पर्यंत विजृंभणेरि चल्लॆ. हे भजना मंडळि सदस्य मूल्कि, मूडुबिदरॆ, उप्पिनंगडि, गुरुवायनकॆरॆ, बॆंगळूरु, वसाय इत्यादि कडेन आस्सुचॆ भजना मंडळिंतु सक्रीय जाव्नु वांटॊ घॆत्ता आस्सुचॆ अभिमानाचॆ विषयु. इंडोनेषिया, आस्ट्रेलिया, अमेरिकांतु सैत हांगाचॆ भजना मंडळि सदस्य वच्चुनु भजना कार्यक्रम चलोनु दित्ता आस्सति. मुखावैलॆ दिवसांतु निड्डोडिचॆ श्री लक्ष्मी नरसिंह भजना मंडळि आन्निकॆ अभिवृद्धि, नांव पाव्नु समाज बांधवांक आध्यात्मिक गोडि वांटूवॊ म्हॊणु आशय कर्ता, तांका देवु बरॆं कॊरॊ म्हण्ता. ***
मंजेश्वरांतु नागमंडलोत्सव
नागक्षेत्र म्हॊणु नांव पाव्विलॆ “मंजेश्वर पय्लॆ कर्नाटकांतु आसलेरिचि आत्त केरळाक मॆळ्ळा. हांगाचॆ श्रीमत् अनंतेश्वर देवळ राज्यांतु मात्र न्हंहि राष्ट्र मट्टांतु सैत नांव पाव्ला. हाज्जॆ आडळित १८ पेंटाचॆ मेळ्नु करताति. हांगा देवदर्शनांतु जालीलॆ आदेशा प्रमाणॆ अष्टपवित्र नागमंडलोत्सव कॊरचाक ठरोनु कार्य प्रवृत्त जाल्लिंति. कुटुंबांतु खंचे नागदोष आसलेरि ताज्ज परिहार आनि सर्वे जनः सुखिनो भवंतुः म्हण्चॆ प्रमाणॆ सर्वालॆ बरेपणा खात्तिरि हे नागमंडल आयोजन कॆलीलॆ आस्सुनु, प।पू। श्रीमत् सुधींद्र तीर्थ स्वाम्यांगॆलॆ आशीर्वादु घेव्नु हे नागमंडलोत्सव कार्य सुरुवात कॆल्ला. ता. १७-२-२०१४ दाकूनु २१-२-२०१४ पर्यंत हे चॊलचॆ आस्सुनु सर्व समाज बांधवानि हांतु वांटॊ घॆव्चाक अवकाश आस्स. हे संदर्भारि सेवा पावयचाक इच्छा आश्शिल्यांक जाव्नु महा अन्न संतर्पणॆक रू. १,००,००५/-, विशेष अन्न संतर्पणॆक रू. ५०,००५/-, अन्न संतर्पणॆक रू. २५,०००/-, तश्शिचि उरलीलॆ विंगविंगड नमून्या सेवॆक रू. ६००१ दाकूनु रू. ५०१/- वरेका म्हॊल दवर्ल्या. आसक्त लोकानि, समाजाचानि मंजेश्वराचॆ कार्पोरेशन् ब्यांकाचॆ हॊसबॆट्टु शाखॆचॆ खातॆ नं. १२२१००१०१००३८५७ पॆटोव्नु दिव्येत. हे खात्तिरि खंचे चड्तॆ माहितिक मंजेश्वर श्री नागमंडलोत्सव समिति, रथबीदि, मंजेश्वर -६७१३२३ (केरळ) हांगाक संपर्कु कॊरयेत. मंजेश्वर श्री नागमंडलोत्सव समितिक डा॥ पि. दयानंद पै मामु विशेष गौरव सलहगार जाव्नु आस्सति आनि श्री ऎम्. जगन्नाथ शॆणै, मैसूरु हान्नि गौरव अध्यक्ष जाव्नु आस्सति. समितिचॆ अध्यक्ष जाव्नु डा॥ कॆ. अनंत कामत्, कासरगोड(पोन् नं. ०९४४६२९७०५७) कार्यदर्शि जाव्नु श्री ऎम्. दिनेश शॆणै, मंजेश्वर(पोन् नं. ०९४००८७२०३७) आनि खजांचि जाव्नु श्रीमति लिल्या बायि मंजेश्वर (पोन् नं. ०९४९५३७४९८४) हाज्ज बाय्रि आन्निकॆ ३६ गण्य लोक हे समितिंतु आस्सुनु हांगॆल दाकूनूयि (पोन् नं.) चड्तॆ माहिति घॆव्येत.
आर्गोडु बडाबाळ शॆणै कुटुंबा दाकूनु नागमंडलोत्सवु
कुंदापुर ता॥चॆ सिद्दापूरा लाग्गि बडाबाळ आनि आर्गोडु शॆणै कुटुंबा वतीन कुटुंबाचॆ बरेपणा खात्तिरि पवित्र नागमंडल ता. १३-३-२०१४ दिवसु आयोजन कॆलीलॆ आस्सुनु श्री वॆंकटेश्वर क्याश्यू इंडस्ट्रीस् हाज्जॆ श्री विठोभ शॆणै (पोन् ९४४८४७७२६७) हांगॆलॆ अध्यक्ष पणांतु एक समिति रचित कॆल्लया. श्री ऎ. विश्वनाथ शॆणै (पोन् ०८२५९-२०२५२७) हाज्जॆ कार्यदर्शि डा॥ कृष्णराय शॆणै (पोन् ०८२५९२७७३१७) उपाध्यक्ष जाव्नास्सति. हे कुटुंबाक संबंध पाव्विलॆ लोक खंय्तरि विंगड गांवांतु आस्सुनु आन्निकॆ तांका हे माहिति लभ्य जाय्ना आसलेरि तान्नि चड्त माहिति खात्तिरि वय्रि नांव दिल्लिल्यांक जांवॊ ‘सरस्वति प्रभाचॆ आर्गोडु सुरेश शॆणै हांका संपर्क कॊरयेत.
गौड सारस्वत समाज गोंयांतु चांग स्थितिंतु आश्शिल तॆद्दना, पोर्चुगीस लोकालॆ बलत्कार, दौर्जन्यान बेजार्नु स्वधर्माचरणॆ मुखारि व्हरलीलॆ सर्व गौण म्हॊणु समजूनु आपणांगॆलॆ स्थिर, चरास्ति पूरा त्याग कोर्नु, आपणान नंब्गिलॆ कुलदेवाक, आवयि भाषॆक घेव्नु करावळि कर्नाटकांतु यव्नु राब्लिंति. तांतुलॆ एक तंड कल्लमुंड्कूरु गांवाक यव्नु राब्बुनु १८ पीळिगा सरलिंति. तांगॆलॆ नित्याह्निक बरशि कृषि, वाणिज्य कोर्नु, रात्तिक देवा मुखारि दीवलि लाव्नु घेव्नु भजन कॊर्चॆ, चार लोकानि मॆळ्ळिल कडेन कार्तिक म्हहिन्यांतु भजना मंगलोत्सवु कोर्नु, सॊयरॆ, बंधु-मित्र बरशि मेळ्नु संभ्रम पाव्चॆ कर्ता आय्लिंति. हाक्कात्त २ शताब्धिचॆ इतिहास आस्स.
१९५९ इस्वॆंतु भजना मंगलोत्सव वेळ्यारि देवराय कामत्तांगॆलॆ अध्यक्षतेरि, वामन ऎन्. प्रभु कार्यदर्शि जाव्नु, वासुदेव कुड्व जॊतॆ कार्यदर्शि, दामोदर ऎन्. भट् खजांचि जाव्नु मूल्कि भास्कर ऎस्. भट् माम्मालॆ पौरोहित्यांतु हांगेक मंदिर निर्माण कोर्का म्हॊणु संकल्प कॆल्लि. श्री काशीमठाधीश श्रीमद् सुधींद्र तीर्थ स्वाम्यांगॆलॆ रायस घेव्नु वामन देवप्प कामत्तानि दान जाव्नु दिलीलॆ जागॆंतु भव्य मंदिर निर्माण जाल्लॆ. तिन्नी मठाचॆ स्वाम्या दाकूनु प्रतिष्ठापनांयि जाल्लॆ. तॆद्दोळथांयि श्री पांडुरंग विठल भजना मंडळ म्हॊणु आश्शिलॆ श्री लक्ष्मीनरसिंह भजना मंडळि म्हॊणु परत नामकरण कॆल्लॆ. थंयचान प॥पू॥ स्वाम्यांगॆलॆ आदेशा प्रमाणॆ प्रति शन्वारु चुकनाशि दा लोक मेळ्नु भजन म्हण्ता आय्लिंति. कार्तिक बहुळ पाड्य दिवसु प्रतिष्ठा वर्धंति, सत्यनारायण पूजा, संतर्पण, रात्तिक नगर भजना बाय्रसोर्नु १२चॆ दिवसाक धोंपारा समाराधन कॊरचॆ सुरुवात कॆल्लॆ. नृसिंह जयंति यव्चॆ वैशाख शुक्ल ‘१४ क सूर्य बुड्डिल दाकूनु परत ताणॆ उद्देच पर्यंत अहोरात्रि भजन करताति. सुत्ताफुन्नव, श्री कृष्ण जन्माष्टमि इत्यादि धार्मिक कार्यक्रम आचरण करताति. नवरात्रिंतु महिळा मंडळि तरपेन ९ दिवसु दुर्गा पूजा शृद्धाभक्तिन मस्त विजृंभणेरि आचरण करताति. मूंजि, व्हरडीक इत्यादि धार्मिक कार्य घडोवचाक मंदिरांतु अवकाश दित्ताति. विशेष वेळ्यारि कीर्तन, यक्षगान, संगीत कार्यक्रम, पुराण प्रवचन घडोनु घॆता आय्लिंति.
महाराष्ट्राचॆ नळकोपरांतु ‘भजनॆ माम म्हॊणु प्रख्यात जालीलॆ श्री जगन्नाथ शॆणै हान्नि सॊयर्यालॆ घर्कडॆ आय्यिल तॆद्दना कल्लमंड्कूराचॆ हे मंदिराक भॆट्टूनु २ म्हहिनो हांगाचॆ बांधवा ऒट्टु दूद-साक्रॆ वरि मेळ्नु मराठि अभंग म्हणचॆ नमूनॊ, राग, लय, अर्थु इत्यादि पूर्ति शिकोनु जिल्ल्याचॆ प्रमुख भजना मंदिराचॆ सालांतु निड्डोडिचॆ हे मंदिर मॆळ्च तश्शि कोर्नु कृतकृत्य जाल्लिंति. तान्नि शिवलीलामृत आनि श्रीनिवास कल्याण सप्त रूपारि चलोव्नु दीव्नु मंदिराक दैवी कळा यव्चॆवरि कॆल्लि.
श्री लक्ष्मी नरसिंह भजना मंदिराचॆ रजत महोत्सवु ता. ६-११-१९८७ दाकूनु १८-११-१९८७ पर्यंत श्री काशी मठाधीश श्रीमद् सुधींद्र तीर्थ स्वाम्यांगॆलॆ दिव्य उपस्थतीरि संपन्न जालीलॆ आस्स. प्रति वर्ष ३२ भजना मंडळि हांगाचॆ भजना सप्तांतु वांटॊ घॆत्ता आश्शिल वरि हान्नियि तित्लॆ कडेन वच्चुनु वांटो दीव्नु ऎत्ताति.
श्री लक्ष्मीनरसिंह भजना मंदिराचॆ ‘सुवर्ण महोत्सवु २९-११-१२ दाकूनु ११-१२-१२ पर्यंत विजृंभणेरि चल्लॆ. हे भजना मंडळि सदस्य मूल्कि, मूडुबिदरॆ, उप्पिनंगडि, गुरुवायनकॆरॆ, बॆंगळूरु, वसाय इत्यादि कडेन आस्सुचॆ भजना मंडळिंतु सक्रीय जाव्नु वांटॊ घॆत्ता आस्सुचॆ अभिमानाचॆ विषयु. इंडोनेषिया, आस्ट्रेलिया, अमेरिकांतु सैत हांगाचॆ भजना मंडळि सदस्य वच्चुनु भजना कार्यक्रम चलोनु दित्ता आस्सति. मुखावैलॆ दिवसांतु निड्डोडिचॆ श्री लक्ष्मी नरसिंह भजना मंडळि आन्निकॆ अभिवृद्धि, नांव पाव्नु समाज बांधवांक आध्यात्मिक गोडि वांटूवॊ म्हॊणु आशय कर्ता, तांका देवु बरॆं कॊरॊ म्हण्ता. ***
मंजेश्वरांतु नागमंडलोत्सव
नागक्षेत्र म्हॊणु नांव पाव्विलॆ “मंजेश्वर पय्लॆ कर्नाटकांतु आसलेरिचि आत्त केरळाक मॆळ्ळा. हांगाचॆ श्रीमत् अनंतेश्वर देवळ राज्यांतु मात्र न्हंहि राष्ट्र मट्टांतु सैत नांव पाव्ला. हाज्जॆ आडळित १८ पेंटाचॆ मेळ्नु करताति. हांगा देवदर्शनांतु जालीलॆ आदेशा प्रमाणॆ अष्टपवित्र नागमंडलोत्सव कॊरचाक ठरोनु कार्य प्रवृत्त जाल्लिंति. कुटुंबांतु खंचे नागदोष आसलेरि ताज्ज परिहार आनि सर्वे जनः सुखिनो भवंतुः म्हण्चॆ प्रमाणॆ सर्वालॆ बरेपणा खात्तिरि हे नागमंडल आयोजन कॆलीलॆ आस्सुनु, प।पू। श्रीमत् सुधींद्र तीर्थ स्वाम्यांगॆलॆ आशीर्वादु घेव्नु हे नागमंडलोत्सव कार्य सुरुवात कॆल्ला. ता. १७-२-२०१४ दाकूनु २१-२-२०१४ पर्यंत हे चॊलचॆ आस्सुनु सर्व समाज बांधवानि हांतु वांटॊ घॆव्चाक अवकाश आस्स. हे संदर्भारि सेवा पावयचाक इच्छा आश्शिल्यांक जाव्नु महा अन्न संतर्पणॆक रू. १,००,००५/-, विशेष अन्न संतर्पणॆक रू. ५०,००५/-, अन्न संतर्पणॆक रू. २५,०००/-, तश्शिचि उरलीलॆ विंगविंगड नमून्या सेवॆक रू. ६००१ दाकूनु रू. ५०१/- वरेका म्हॊल दवर्ल्या. आसक्त लोकानि, समाजाचानि मंजेश्वराचॆ कार्पोरेशन् ब्यांकाचॆ हॊसबॆट्टु शाखॆचॆ खातॆ नं. १२२१००१०१००३८५७ पॆटोव्नु दिव्येत. हे खात्तिरि खंचे चड्तॆ माहितिक मंजेश्वर श्री नागमंडलोत्सव समिति, रथबीदि, मंजेश्वर -६७१३२३ (केरळ) हांगाक संपर्कु कॊरयेत. मंजेश्वर श्री नागमंडलोत्सव समितिक डा॥ पि. दयानंद पै मामु विशेष गौरव सलहगार जाव्नु आस्सति आनि श्री ऎम्. जगन्नाथ शॆणै, मैसूरु हान्नि गौरव अध्यक्ष जाव्नु आस्सति. समितिचॆ अध्यक्ष जाव्नु डा॥ कॆ. अनंत कामत्, कासरगोड(पोन् नं. ०९४४६२९७०५७) कार्यदर्शि जाव्नु श्री ऎम्. दिनेश शॆणै, मंजेश्वर(पोन् नं. ०९४००८७२०३७) आनि खजांचि जाव्नु श्रीमति लिल्या बायि मंजेश्वर (पोन् नं. ०९४९५३७४९८४) हाज्ज बाय्रि आन्निकॆ ३६ गण्य लोक हे समितिंतु आस्सुनु हांगॆल दाकूनूयि (पोन् नं.) चड्तॆ माहिति घॆव्येत.
आर्गोडु बडाबाळ शॆणै कुटुंबा दाकूनु नागमंडलोत्सवु
कुंदापुर ता॥चॆ सिद्दापूरा लाग्गि बडाबाळ आनि आर्गोडु शॆणै कुटुंबा वतीन कुटुंबाचॆ बरेपणा खात्तिरि पवित्र नागमंडल ता. १३-३-२०१४ दिवसु आयोजन कॆलीलॆ आस्सुनु श्री वॆंकटेश्वर क्याश्यू इंडस्ट्रीस् हाज्जॆ श्री विठोभ शॆणै (पोन् ९४४८४७७२६७) हांगॆलॆ अध्यक्ष पणांतु एक समिति रचित कॆल्लया. श्री ऎ. विश्वनाथ शॆणै (पोन् ०८२५९-२०२५२७) हाज्जॆ कार्यदर्शि डा॥ कृष्णराय शॆणै (पोन् ०८२५९२७७३१७) उपाध्यक्ष जाव्नास्सति. हे कुटुंबाक संबंध पाव्विलॆ लोक खंय्तरि विंगड गांवांतु आस्सुनु आन्निकॆ तांका हे माहिति लभ्य जाय्ना आसलेरि तान्नि चड्त माहिति खात्तिरि वय्रि नांव दिल्लिल्यांक जांवॊ ‘सरस्वति प्रभाचॆ आर्गोडु सुरेश शॆणै हांका संपर्क कॊरयेत.
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ